काठमाडौं,  चिनारी बचत तथा ऋण सहकारी संस्था लिमिटेड, गोकर्णेश्वर–४ को १७औं वार्षिक साधारण सभा असोज ४ शनिबार सम्पन्न भएको छ। सभाको उद्घाटन जेष्ठ शेयर सदस्यहरूद्वारा सामूहिक रूपमा पानसमा बत्ती बालेर सम्पन्न गरिएको कार्यक्रममा अध्यक्ष न्हुछे नारायण श्रेष्ठ ‘मिलन’ को अध्यक्षता रहेको थियो ।  

सभामा आर्थिक वर्ष २०८१।८२ को वार्षिक प्रतिवेदन, लेखापरीक्षण प्रतिवेदन, आ.व. ०८२।०८३ को योजना लगायतका विविध प्रतिवेदनहरू प्रस्तुत गर्दै सर्वसम्मतले पारित गरी  विभिन्न सांस्कृतिक  कार्यक्रमहरु प्रदर्शन गरिएको थियो ।

संस्थाको आगामी ४ वर्ष कार्यकालको लागि नयाँ सञ्चालक समिति ज्ञानलाल श्रेष्ठको अध्यक्षतामा निर्वाचित भएको थियो त्यसैगरि लेखा समिति शुभलक्ष्मी श्रेष्ठको संयोजकत्वमा निर्वाचित भएको थियो । निर्वाचित पदाधिकारीहरूलाई निर्वाचन उपसमिति संयोजक प्रेमलाल श्रेष्ठले सपथ ग्रहण गराई प्रमाणपत्र प्रदान गर्नुभएको थियो भने निवर्तमान अध्यक्ष न्हुछे नारायण श्रेष्ठले नयाँ समितिलाई बधाई दिंदै सफल कार्यकालको शुभकामना व्यक्त गर्नुभयको थियो ।  

संस्थाले नियामक निकाय निर्देशनहरुको पालना गर्दै साधारण सभा सफलतापूर्वक सम्पन्न गरी कार्यक्रमको समापनमा नव–निर्वाचित अध्यक्ष ज्ञानलाल श्रेष्ठले धन्यवाद ज्ञापन गर्दै संस्थाको समृद्धि र पारदर्शिता सुनिश्चित गर्ने प्रतिवद्धता व्यक्त गर्नुभयको थियो । कार्यक्रम सञ्चालन रिता श्रेष्ठले गर्नुभएको थियो।