काठमाडौँ । नेफ्स्कूनले व्यवसाय विकास सेवा अर्थात् Business Development Service (BDS) लाई समेटेर साकोसका सदस्यहरूको उत्पादन, सीप र श्रमलाई एकीकृत गर्दै राष्ट्रिय तथा अन्तर्राष्ट्रिय बजारमा पुर्याउने अभ्यासको थालनी गरेको छ । यस क्रममा यही श्रावण १५ गतेबाट नवलपरासीको गैडाकोट नगरपालिका ८, विजयनगरमा रहेको किसान साकोसले नेपालमा पहिलो पटक  व्यवसाय विकास सेवा डेक्स सञ्चालनमा ल्याएको छ ।

Business Development Service (BDS) भन्नाले व्यवसाय विकास सेवा भन्ने बुझिन्छ, जुन सहकारीका सदस्यहरूको उत्पादन देखि उपभोक्ता सम्म र सेवा देखि ग्राहकसम्मको व्यवसायिक नाफामूखी यात्रा हो । नेफ्स्कूनले यस सेवामार्फत प्रविधि, पूँजि र वजारमा साकोसका सदस्यहरूलाई उद्यमी वनाउने अभ्यास शुरु गरेको छ । यस अभ्यासले साकोसमा भएको लगानीको गैर उत्पादनमूलक अभ्यासलाई सङ्गलो वनाउने प्रयास गरेकोछ । यसले उत्पादन, रोजगार र आय सिर्जनामा प्राविधिक तथा समन्वयकारी कार्य निरन्तर गर्नेछ । साकोसले व्यवसाय विकास सेवा डेक्स स्थापना गरी उक्त डेक्समार्फत सदस्यहरूलाई उद्यमी वनाउनमा सहजीकरण तथा परामर्शको कार्य गर्नेछ । आजको उद्यमी दश वर्ष पछी उद्योगी हुने यात्रामा सहजीकरण गर्ने छ । साथै एक उद्यमी बीस वर्षमा उद्योगपती वन्ने अनुकरणीय अभ्यासका लागि व्यवसाय विकास सेवा कार्यक्रमले निरन्तर प्राविधिक सहयोग गरी सदस्यहरूमा धन सिर्जना गर्ने र सदस्यहरूको जीवनमा रूपान्तरण ल्याउने कार्य गर्नेछ । साकोसले यस अभ्यासमार्फत तीन वर्षमा सदस्यलाई उद्यमशिल वनाउने र दश वर्षमा उद्यमशिलताको सँस्कार अध्यायमा निरन्तर सहयोग, सहकार्य र हातेमालोको एक अनुकरणीय व्यवस्थापन गरिनेछ । यसै अभ्यासमा नेफ्स्कूनले प्राविधिक र समन्वयकारी भुमिकामा किसान साकोसलाई निरन्तर सहयोग तथा सहकार्य गर्नेछ । 

हाल यस व्यवसाय विकास सेवा डेक्समार्फत सम्भाव्य उद्यमीलाई कुशल उद्यमी वनाउने सँस्कारमा निरन्तर मेन्टोरिङ र कोचिङ गरिरहेको छ । यस डेक्सले व्यावसायको पूर्ण समाधानको विषयमा निरन्तर परामर्श सेवा र समन्वय गर्ने कार्य गरिरहेको छ । यस व्यवसाय विकास सेवा कार्यक्रमले कृषि, पर्यटन, सेवा, निर्माण तथा डिजिटल सवै प्रकारका उद्यमहरूलाई प्रविधि, पूँजि र वजारमा प्राविधिक सहयोग तथा निरन्तर सहयोग गर्नेछ । 

व्यवसाय दर्ता देखि उद्यम सफलता सम्म प्राविधिक सहयोग गर्नेछ । नेफ्स्कूनले यस आर्थिक बर्ष २०८२।०८३ देखि ३० वटा बचत तथा ऋण सहकारी संस्थाहरूमा लागतमा साझेदारी गरी यस व्यवसाय विकास सेवा कार्यक्रम सञ्चालन गरिरहेको छ ।