नेपालगञ्ज । शिखर साकोस सुर्खेतको कार्यविधि निर्माण कार्यशाला सम्पन्न भएको छ । श्रावण १९ देखि २१ गतेसम्म सञ्चालित कार्यशाला नेफ्स्कूनका प्राचार्य बल्लभ तिमल्सिनाको सहजिकरणमा भएको थियो । 

कार्यशालाले संस्थाको विभिन्न ७ वटा कार्यविधिका मस्यौदा तयार गरेको छ । शिखर साकोसका अध्यक्ष भुपेन्द्र बहादुर सिंहले सहकारीको नीति,कार्यविधिलाई समय सापेक्ष अद्यावधिक र पुर्नसंचरना गरी संस्थालाई थप मजबुत र सुरक्षित बनाउने कुरामा संस्था लागेको बताउनु भयो । 

नेफ्स्कूनले आफ्ना सदस्य संस्थाहरुको विकास र प्रवर्द्धनका लागि विभिन्न विषयमा तालिम तथा गोष्ठिको सहजिकरण गर्दै आइरहेको छ । कार्यक्रममा संस्थाको सञ्चालक समिति, लेखा सुपरिवेक्षण समिति, उपसमिति तथा कर्मचारी गरी १८ जनाको उपस्थिति रहेको थियो ।