चन्द्रनिगाहपुर, रौतहट । “मितव्ययिताका साथ चाडपर्व मनाऔं, फजुल खर्चलाई बचतमा रुपान्तरण गरौं भन्ने मुल सन्देश दिँदै रौतहट जिल्ला बचत तथा ऋण सहकारी संघ लि. ले सचेतनामुलक तीज विशेष कार्यक्रम सम्पन्न गरेको छ । महिलाहरुको महान पर्व हरितालिका तीजको पूर्व सन्ध्यामा श्रावण १७, गते शनिबार साकोसले आवद्ध सदस्य संस्थाका महिला सञ्चालक र कर्मचारीहरुलाई लक्षित गरी तीज विशेष कार्यक्रम आयोजना गरेको हो । 

कार्यक्रमको उद्घाटन चन्द्रपुर वडा नं. ६ का अध्यक्ष सहदेव के सि ले गर्नुभएको थियो । कार्यक्रममा चन्द्रपुर नगरपालिका सहकारी शाखा प्रमुख शेख नसरे आलम, हातेमालो सामुदायिक बनका अध्यक्ष रामलाल ठोकर, संघका सल्लाहकार र सञ्चालकहरुको सहभागिता रहेको थियो । कार्यक्रममा संघका सदस्य दुर्गा दाहालले स्वागत गर्नु भएको थियो । कार्यक्रम सञ्चालन महासचिव देव बहादुर सापकोटाले गर्नु भएको थियो भने तीज सम्बन्धी कविता बाचन सचिब वसन्त आचार्यले प्रस्तुत गर्नु भएको थियो ।

कार्यक्रमको अध्यक्षता संघका अध्यक्ष बिभु पोखरेलले गर्नुभएको थियो । कार्यक्रममा महिला सहकारीकर्मी र कर्मचारीहरु गरि १ सय १६ जना को सहभागिता रहेको थियो । 

कार्यक्रमको दोस्रो सत्रमा सहभागीहरुबिच नृत्य प्रतियोगिता र सामुहिक नृत्य गरिएको थियो । सो कार्यक्रमको सञ्चालन अस्मिता आलेले गर्नु भएको थियो  कार्यक्रममा प्रथम दितिय र तृतीय हुनेलाई प्रोत्साहन स्वरुप सामान्य पुरस्कारको व्यवस्था गरिएको थियो । कार्यक्रमको अन्त्यमा उल्लेखित स्लोगनलाई व्यवहारमा उतार्न अनुरोध गर्दै मुख मिठा गर्ने कार्यक्रम समेत राखिएको थियो ।

कार्यक्रम सफल बनाउन तीज बिशेष कार्यक्रमका संयोजक कल्पना दाहाल, मुल्यांकनकर्ता दुर्गा आचार्य, शुभद्रा नेपाल र बिमला ढकाल रहनुभएको थियो । 

तीज गीत तथा नृत्य प्रतियोगितामा क्रमशः सत्यभामा अधिकारी, इन्दिरा गेलाल र सम्झना बोगटी प्रथम, द्धितीय र तृतीय हुनुभएको थियो ।