काठमाडौं । सिन्धुलीमा बचत तथा ऋण सहकारी संस्थाका सदस्यहरुमाझ बचत खेल तालिम 'Savings Game' सञ्चालन गरिएको छ । 

सिन्धुली जिल्ला बचत तथा ऋण सहकारी संघ लि.को आयोजना र German Sparkassentiftung for international cooperation को सहयोगमा साउन ३ र ४ गते सञ्चालन भएको तालिम नेफ्स्कूनको प्राविधिक सहजीकरणमा भएको थियो । 

तालिमको सहजीकरण नेफ्स्कूनका बरिष्ठ अधिकृत कोमलराज अधिकारी र तालिम अधिकृत उमेश कोइरालाले गर्नुभएको थियो । सगरमाथा साकोसको तालिम हलमा सम्पन्न दुई दिवसीय तालिममा कमलामाई महिला साकोस, गुराँस महिला साकोस, सुर्यमुखी महिला साकोस, सन्तोषी महिला साकोस र सगरमाथा महिला साकोसका सदस्यहरुको सहभागिता रहेको थियो । तालिम सिमुलेशन 'खेल माध्यम' विधिबाट गरिएको थियो । 

सदस्यहरुलाई वित्तीय साक्षरताका माध्यबाट जिवनस्तरमा सुधार गर्न सहयोग गर्ने उद्देश्य बचत खेल तालिमको रहेको छ । तालिमले सदस्यहरुको जिवनमा अप्रत्यासित घटना घट्दा सहि निर्णय लिन, पारिवारिक वित्तीय स्थायित्व काम गर्न, जीवनको गुणस्तर वृद्धि गर्न, पारिवारीक बजेट निर्माण तथा कार्यान्वयन गर्न, वर्तमान र भविष्यको आवयश्कता र चाहना पहिचान तथा सन्तुलन गरेर पुरा गर्न सहयोग पुर्याउँदछ ।