महोत्तरी । नेपाल बचत तथा ऋण केन्द्रीय सहकारी संघ लि.(नेफ्स्कून) मा आवद्ध संस्थाहरुलाई नविनतम साझा प्रविधिसँग जोड्ने उद्देश्य सहित आज मधेश प्रदेश अन्तर्गत महोत्तरीको बर्दिबासमा मिरा सफ्टवेयर सम्बन्धी अभिमुखिकरण गरिएको छ । बारा, पर्सा, रौतहट, सर्लाही, महोत्तरी, धनुषा र सिन्धुली जिल्लामा सञ्चालित विभिन्न ४५ वटा बचत तथा ऋण सहकारी संस्थाबाट अध्यक्ष र व्यवस्थापक गरि कुल ५६ जना अभिमुखिकरण कार्यक्रममा सहभागी हुनुभएको थियो । 

नेफ्स्कून र रारा डिजिटल ल्याबको साझेदारीमा नियोसिस टेक्नोलोजी प्रा. लि.द्वारा प्रवर्द्धित मिरा ईआरपी सफ्टवेयर सहकारीलाई प्रविधिसँग जोड्ने एक सरल, सुरक्षित र विश्वासिलो साझा डिजिटल प्लेटफर्म हो । विगत २ बर्षदेखि प्रयोगमा आइरहेको मिरा सफ्टवेयर ७ वटै प्रदेश अन्तर्गत ६६ जिल्लामा विस्तार भई हालसम्म ५१८ सहकारीमा एकीकृत प्रविधि सेवाको पहुँच पुर्याउन सफल भएको छ ।

अभिमुखिकरण कार्यक्रममा नेफ्स्कूनका सहायक कार्यकारी अधिकृत गणेश प्रसाद तिमिल्सिना र नियोसिस प्रा.लि.का सिईओ मनोज तिवारीले मिरा सफ्टवेयरका विशेषता, सबलता, पुराना प्रविधि र मिरा बीचको फरक पक्ष साथै Saas Model (software as a service) को रुपमा नेपालकै पहिलो र उच्चतम सुरक्षा प्रणाली प्रयोग गरिएको मिरा क्याउड सफट्वेयरको बारेमा प्रस्तुतीकरण गर्नुभएको थियो ।