ललितपुर । ललितपुरको ठेचोमा रहेको ठेचो महिला जागरण बचत तथा ऋण सहकारी संस्था लि. को तेश्रो रणनीतिक योजना कार्यशाला सम्पन्न भएको छ । यहि जेठ २२ देखि २४ गते सम्म सञ्चालित कार्यशालाको प्राविधिक सहजीकरण नेपाल बचत तथा ऋण केन्द्रीय सहकारी संघ लि.(नेफ्स्कून) ले गरेको थियो । 

साकोसका सञ्चालक समिति, लेखा सुपरीवेक्षण समिति  गरी १२ जना र कर्मचारीहरु बाट ३ जना गरी जम्मा १५ जना सम्मिलित समूहले संस्थाको आगामी ४ वर्षको रणनीतिक मार्गचित्र तय गरेको हो । 

कार्यशालाको व्यानरमा संस्थाकी अध्यक्ष ललिता महर्जन र सहजकर्ताहरुको संयूक्त हस्ताक्षर गरी कार्यशाला संचालन गरीएको थियो।

मकवानपुरको दामनमा अवस्थित पिनस होटलमा सम्पन्न उक्त कार्यशालाको प्राविधिक सहजिकरण नेफ्स्कूनका बरिष्ठ तालिम अधिकृत कोमल राज अधिकारी र अधिकृत सरोज गणेशले गर्नुभएको थियो ।