सर्लाही । सर्लाहीको हरिवनमा सञ्चालित सगुन बचत तथा ऋण सहकारी संस्था लि।ले विश्व वातावरण दिवसको अवसर पारेर विहिबार सामाजिक उत्तरदायित्व कार्यक्रम अन्तर्गत सामुदायिक विद्यालयहरुको फोहोर व्यवस्थापनका लागि डस्टविन वितरण र पर्यावरण संरक्षणका लागि वृक्षारोपणको कार्यक्रम गरेको छ । पर्यावरणलाई जोगाऔं, स्वस्थ र स्वच्छ वातावरण निर्माण गरौं भन्दै साकोसले हरिवन ३ मोहनपुरमा वृक्षारोपण कार्यक्रम गरेको हो ।

सोही अवसरमा साकोसले सामाजिक उत्तरदायित्वको कार्यक्रम अन्तर्गत विश्व वातावरण दिवसको अवसर पारेर हरिवनस्थित ५ वटा सामुदायिक विद्यालयहरुलाई डस्टविन वितरण गरेको थियो । साकोसले हरिवन ६ मा रहेको श्री जनसेवा माध्यामिक विद्यालयमा ५ थान, श्री.माईरानी मिक्चनी मा.वि.लाई थान ५ थान, श्री राम अवतार मा.वि.लाई ५ थान, श्री बासाटोल प्रा.वि.र श्री देउराली प्रा.वि.लाई ३३ थान डस्टविन वितरण गरिएको जनाएको छ । 

 
वृक्षारोपण कार्यक्रमको उद्घाटन हरिवन न.पा. वडा नंं. ३ का वडाअध्यक्ष  दिपमान लोप्चनले गर्नुभएको थियो । साकोसका अध्यक्ष केशव प्रसाद ढकालको अध्यक्षता कोषाध्यक्ष पदमा मोक्तानको स्वागत मन्तब्य र सचिव विनोद कार्कीको कार्यक्रम सञ्चालन रहेको कार्यक्रममा साकोसका सञ्चालक समिति, लेखा सुपरिवेक्षण समिति, उपसमिति, नेफ्स्कूनका कार्यक्रम अधिकृत रामकृष्ण भट्टराइ, साकोसका कर्मचारी, स्थानीय व्यक्तिहरु गरि ५० जनाको सहभागितामा १२० थान पुष्प र फलफुल प्रजातिको वृक्षारोपण गरिएको थियो ।