मोरङ । नेपाल बचत तथा ऋण केन्द्रीय सहकारी संघ लि. (नेफ्स्कून) को आयोजनामा कोशी प्रदेश स्तरीय कार्यकुशलता तथा सिकाई व्यवस्थापन कार्यशाला आज मोरङको लेटाङस्थित कृषि विकास बैंकको प्रदेश तालिम केन्द्रमा सम्पन्न भएको छ ।  

कार्यक्रममा प्रोवेशनमा आबद्ध झापा जिल्लामा अवस्थित मेचीनगर साकोस, सामुदायिक साकोस, पूर्विद्धार साकोस, एभरेष्ट साकोस र मिलनसार साकोसको सहभागिता रहेको थियो भने मोरङबाट विरेन्द्रनगर साकोस, अष्टलक्ष्मी साकोस, नारीसंकल्प साकोस, जागृति साकोस, समशेवन साकोस र दौतर बलिया साकोसको सहभागिता थियो । त्यसैगरि उदयपुरबाट सहयोगी साकोस र सुनसरीबाट गोरखा साकोस सहभागी थिए । कार्यक्रममा १३ साकोसका प्रतिनिधि र नेफ्स्कून कर्मचारी गरि कुल ३७ जनाको सहभागिता रहेको थियो । 

कार्यक्रममा नेफ्स्कूनका सञ्चालक शालिकराम ढकाल र कृषि विकास बैंकका तालिम केन्द्र प्रमुख विष्णुपल बोहोराको आतिथ्यता रहेको थियो । 

नेफ्स्कूनका सञ्चालक शालिकराम ढकालले गुणस्तर सुनिश्चिता कार्यक्रममा जोडिएका सहकारीहरु सुरक्षित र दिगो भएको बताउनुभयो । उहाँले संस्थागत सुशासनमा चलेका सहकारीहरु सुरक्षित छन्, हामी आफ्नो संस्था आफैं बलियो बनाउने हो, प्राधिकरणद्वारा जारी गरिको मापदण्डबाट कत्ति पनि विचलित हुनु नपर्ने उहाँको भनाई थियो । 

कार्यक्रम सहजीकरण नेफ्स्कूनका बरिष्ठ अधिकृत भरत प्रसाद न्यौपानेले र व्यवस्थापन लेटाङ सेवा केन्द्र प्रमुख गणेश भण्डारीले गर्नुभएको थियो ।