दाङ । नेपाल बचत तथा ऋण केन्द्रीय सहकारी संघ लि.(नेफ्स्कून) द्वारा सञ्चालित गुणस्तर सुनिश्चितता सम्बन्धी कार्यक्रम प्रोवेसन (पूर्ण तथा व्यावसायिक साकोस विकास कार्यक्रम) अन्तर्गत लुम्बिनी क्लष्टरको दोस्रोको ९कार्यकुशलता तथा सिकाइ व्यवस्थापन कार्यशाला - PALM दाडको घोराहीमा सञ्चालन भएको छ । उक्त कार्यक्रममा १५ वटा संस्थाबाट ३४ जना सहभागीको प्रतिनिधित्व रहेको छ । नेफस्कूनले  कार्यकुशलता तथा सिकाइ व्यवस्थापन कार्यशाला सञ्चालन शैलीमा गरेको परिमार्जन पछिको प्रोवेसनको यो दोस्रो कार्यशाला हो ।

कार्यशालाको उद्घाटनमा हरियाली साकोस दाङको निर्वतमान अध्यक्ष तथा दाङ सदस्य सेवा कार्यलको फिल्ड व्यवस्थापन उपसमिको सदस्य शिवध्वज मल्लद्वारा प्रोवेशन कार्यक्रमले संस्थालाई दिगो वनाएको र संस्थाहरु यस कार्यक्रममा लागेर सुरक्षित बन्दै गएको जानकारी सहित सम्पुर्ण सदस्यलाई स्वागत मन्तव्य  राख्नुभएको थियो । 

कार्यक्रममा अध्यक्षता  जिल्ला बचत संघको अध्यक्ष तथा दाङ सदस्य सेवा कार्यलयको फिल्ड व्यवस्थापन उपसमिति सदस्य बिमल अधिकारीले गर्नुभएको थियो । उहाँले मन्तव्यको क्रममा अहिले सहकारीको एक्येबद्घता हुनपर्ने, संस्थागत सुशासन, वित्तीय स्वस्थतामा प्रोवेसन कार्यक्रम महत्वपूर्ण रहेको जानकारी गराउदै अभियानमा प्रश्न चिन्ह खडा नहुने गरी काम गर्नपर्ने बताउनुभयो । साथै सहकारी सक्षम हामीले बनाउनुपर्छ, हामीले चलाएको संस्था राम्रो बनाउन सबै दृढ संकल्प गरी अगाडि बढ्नुपर्छ भन्ने भनाई राख्नुभएको थियो ।

कार्यक्रममा चार्टड एकाउन्टेन्ट छबिलाल पोखरेलले पुँजि पर्याप्तता अनुपात (capital Adquency Ratio) र एन एफ आर एस (NFRS)  बिषयमा सहजिकरण गर्नुभएको थियो । 

कार्यक्रममा संघको कार्यक्रम  अधिकृत बिनोद ढकालले  पर्ल्सका मुख्य बिषयहरुमा छलफल सहित, संस्थाले अगामी दिनमा गर्नुपर्ने कामहरु सहित सबै संस्थाको समग्र सूचांङकहरुको प्रस्तुतिकरण र कार्यक्रम सञ्चालन गर्नुभएको थियो । 

कार्यक्रममा संघको दाङ र बुटबल सदस्य सेवा कार्यालय व्यवस्थापन उपसमितिका सदस्यहरु सहित १५ वटा साकोसवाट ३३ जना र संघको कर्मचारी २ जना गरि ३५ जनाको सहभागिता रहेको छ । कार्यक्रममा संघको दाङ सदस्य सेवा कार्यालयका ईन्चार्ज विष्णु जोशीको पनि सहयोग तथा सहभागिता रहेको थियो ।  लुम्बिनी प्रदेश स्तरीय पाम कार्यशाला होटल पौवा घोराही दाङमा भएको थियो  ।