काठमाडौं । संघीय सहकारी विभागका नवनियुक्त रजिष्ट्रार उमेश ढुङ्गानालाई नेपाल बचत तथा ऋण केन्द्रीय सहकारी संघ लि.(नेफ्स्कून) का अध्यक्ष चन्द्र प्रसाद ढकालले बधाई तथा शुभकामना प्रदान गर्नुभएको छ । आज विभागमा आयोजित एक संक्षिप्त भेटका क्रममा अध्यक्ष ढकाल र प्रमुख कार्यकारी अधिकृत डा. शिवजी सापकोटाले रजिष्ट्रार ढुङ्गानालाई बधाई तथा सफल कार्यकालको शुभकामना दिनुभएको हो ।

रजिष्ट्रार पिताम्बर घिमिरेको सरूवा भएसँगै ढुङ्गाना रजिष्ट्रारमा नियुक्त हुनुभएको हो । चैत्र ४ गते पदबहाली भएसँगै उहाँले विभागमा रजिष्ट्रारको जिम्मेवारी सम्हाल्नुभएको छ । ढुङ्गाना यसअघि लुम्बिनी प्रदेश सरकार कार्यालयमा कार्यरत हुनुहुन्थ्यो ।