बारा  । आज एकै दिन बारा जिल्लाका ३ वटा बचत तथा ऋण सहकारी संस्था नेफ्स्कूनले सञ्चालन गरेको जोखिममा आधारित साकोस सुपरिवेक्षण कार्यक्रम  ‘कर्ब्स’ मा आबद्ध भएका छन् । नेफ्स्कून जिल्ला संघ साझेदारी कार्यक्रम अन्तर्गत बारा जिल्ला बचत संघको समन्वयमा निजगढ नगरपालिकामा रहेको श्रमिक साकोस,  कलैया उपमहानगरपालिकामा रहेको श्री रिद्धि सिद्धि साकोस र जीतपुर सिमरा उपमहानगरपालिकाको जनकल्याण मध्यवर्ति साकोस जोखिममा आधारित साकोस सुपरिवेक्षण कार्यक्रम ‘कर्ब्स’ मा जोडिएका हुन् । उक्त ‘कर्ब्स’ कार्यक्रम सम्बन्धमा बारा जिल्ला बचत संघका अध्यक्ष सत्येन्द्र ठाकुर, नेफ्स्कूनका कार्यक्रम अधिकृत महेश बराल, बचत संघका व्यवस्थापक हरि शंकर चौधरी, नेफ्स्कून पर्सा सदस्य सेवा कार्यालयका ईन्चार्ज दिपेन्द्र साह र तीन वटै संस्थाका प्रतिनिधिहरु बीच औपचारिक सम्झौता समेत सम्पन्न भएको छ । पछिल्लो समय नेफ्स्कूनले सञ्चालन गरेका गुणस्तर सुनिश्चितता कार्यक्रम र जोखिम सुपरिवेक्षणका कार्यक्रममा वित्तीय सहकारीहरुको सहभागिता उल्लेख्य बढेको छ ।