नवलपरासी । नेपाल बचत तथा ऋण केन्द्रीय सहकारी संघ लि. (नेफ्स्कून) का अध्यक्ष चन्द्र प्रसाद ढकालका पुजनीय पिता हुमनाथ ढकालको निधन भएको छ । नवलपरासीस्थित निजी निवासमा फागुन २३ गते शुक्रबार राति निधन भएको पारिवारिक श्रोतले जनाएको छ । बि.सं. १९९३ साल कात्तिक २८ गते जन्मनुभएका हुमनाथ ढकालको ८८ बर्षको उमेरमा उपचारकै क्रममा निधन भएको हो । उहाँको पार्थिव शरिरलाई नवलपरासी जिल्लाको त्रिवेणीधाममा आफ्न्त, नातेदार, विभिन्न राजनीतिक पार्टीका शीर्ष व्यक्ति र सहकारी अभियन्ता तथा सहकारीकर्मीहरुद्धारा श्रद्धाञ्जली अर्पण साथै शोक व्यक्त गरिएको लुम्बिनी प्रदेश बचत संघका अध्यक्ष कृष्ण नेपालले साकोस आवाजलाई जानकारी गराउनुभयो । श्रद्धाञ्जलीको कार्यक्रम सकिएसँगै त्रिवेणीधाममा पार्थिव शरिरको अन्त्येष्टि अर्थात दाहसंस्कार को काम भएको छ ।