काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) को अर्धवार्षिक समीक्षा (आर्थिक वर्ष २०८१/८२) कार्यक्रम चितवनको सौराहामा आज सम्पन्न भएको छ ।

अर्धवार्षिक समीक्षा कार्यक्रमसँग जोडेर कर्मचारीहरुका लागि कार्यसम्पादन उत्कृष्टता तालिम समेत आयोजना गरिएको थियो ।

'रिफ्रेसर कम रिभ्यू' कार्यक्रममा संघका अध्यक्ष चन्द्रप्रसाद ढकाल, बरिष्ठ उपाध्यक्ष दामोदर अधिकारी, उपाध्यक्ष शान्ती अधिकारी तथा सञ्चालकहरु खेमराज सुवेदी तथा गोपालप्रसाद गौतमसँगै प्रमुख कार्यकारी अधिकृत डा. शिवजी सापकोटा, व्यवसाय विभाग प्रमुख समेत रहेका सहायक कार्यकारी अधिकृत गणेश प्रसाद तिमल्सिना, प्रचार्य वल्लभ तिमल्सिना, वरिष्ट अधिकृत दिनेश गौतम सँगै संघको २३ वटा सदस्य सेवा कार्यालय र १ वटा मुख्य कार्यालय प्रमुखहरुको उपस्थिति रहेको थियो ।

कार्यक्रममा सदस्य सेवा कार्यालय अन्तर्गतका योजना भर्सेज उपलब्धिबारे प्रस्तुतीकरण गरिएको थियो । यस्तै, लक्ष्यको समीक्षा, समस्या र अबको रणनीतिबारे समूहगत छलफलसहित निष्कर्ष निकालिएको थियो ।