भैरहवा– लुम्बिनी विशिष्टिकृत सहकारी संघ लिमिटेड (लुस्कून) को अध्यक्षमा नेफ्स्कून सञ्चालक ज्ञानु पौड्याल निर्वाचित हुनुभएको छ । रुपन्देहीको तिलोत्तमा नगरपालिका–६, पश्चिम पहुनीमा रहेको लुस्कूनको पाँचौ वार्षिक साधारण सभा तथा निर्वाचन कार्यक्रमबाट पौड्यालको अध्यक्षमा १५ सदस्यीय कार्यसमिति चयन गरिएको हो ।

पौड्याल यसअघि लुस्कूनको कार्यबाहक अध्यक्ष हुनुहुन्थ्यो । सहकारीको उपाध्यक्षमा डिबी थापा, सचिवमा मिनप्रसाद पोख्रेल र कोषाध्यक्षमा खेमप्रसाद गौतम चयन हुनुभएको छ । त्यस्तै, सदस्यहरुमा राधा पोख्रेल थापा, झुपा पाण्डे, झपेन्द्रराज अर्याल, उमा राना, अर्जुनराज उपाध्याय, अर्जुन रानाभाट, कृष्णप्रसाद पाण्डे, टिकाराम चापागाईं, देवी प्रसादपाण्डे, पूर्णप्रसाद तिमिल्सिना र धनकुमारी बराल चयन हुनुभएको छ ।

त्यस्तै लेखा सुपरीक्षण समितिको संयोजकमा कृष्णप्रसाद अर्याल, सदस्यहरुमा रामकृष्ण शर्मा र तुल्सा थापा क्षेत्री निर्वाचित हुनुभएको निर्वाचन उपसमितिले जनाएको छ । १ सय ४३ वटा सहकारीको संयुक्त लगानी रहेको लुस्कूनले दुध र दुग्धजन्य सामाग्रीहरु उत्पादन तथा बिक्रीवितरण गर्दै आएको छ ।