रौतहट । रौतहटको चन्द्रनिगाहपुरस्थित संकल्प बचत तथा ऋण सहकारी संस्था लिमिटेड तथा जनज्योती बहुमुखी क्याम्पसको संयुक्त आयोजनामा आज सहकारीमा युवाको सहभागिता बिषयक वक्तृत्वकला प्रतियोगिता गरिएको छ । जनज्योती बहुमुखी क्याम्पसमा भएको कार्यक्रममा क्याम्पसका बिद्यार्थी सहभागी भएका थिए ।

उक्त प्रतियोगितामा दामोदर उप्रेती प्रथम भएका थिए । संकल्प बचत तथा ऋण सहकारी संस्था लिमिटेडले प्रंशसा पत्र सहित प्रथम, द्धितिय र त्रित्रिय लाई क्रमश ३ हजार, २ हजार र १ हजार नगद बाट पुरस्कृत गरेको थियो ।

संकल्प बचत तथा ऋण सहकारी संस्था लिमिटेडका अध्यक्ष बिभु पोखरेलले बिद्यार्थीहरुको ज्ञान, सिपको सम्मानका लागि वक्तृत्वकला प्रतियोगिता राखिएको बताउनु भयो । उहाँले सहकारी मार्फत समाज लाई समृद्ध बनाउन सकिने भएकाले बिद्यार्थीहरुले यस प्रति जागरुक हुन जरुरी रहेको बताउनु भयो ।

क्याम्पस प्रमुख राजन श्रेष्ठले स्वागत मन्तब्य राख्नु भएको थियो । संस्थाका सहसचिब एबम क्याम्पसका कोषाध्यक्ष चिरन्जिबी गौतमले कार्यक्रम संचालन गर्नु भएको थियो । क्याम्पसका अध्यक्ष सञ्जय कार्कीले बिद्यार्थीहरुको अतिरिक्त क्षमता र लुकेको प्रतिभा लाई उजागार गरिदै लैजाने बताउनु भयोे ।

संस्थाका सचिब केबी थापाले सामाजिक उतरदायित्व कार्यक्रम अन्तर्गत बिद्यार्थीहरुलाई सहकारी संस्था बुझाउन वक्तृत्वकला प्रतियोगिता राखिएको बताउनु भयो ।

सो प्रतियोगिताको निर्णायक मण्डलमा चन्द्रपुर नगरपालिका सहकारी शाखाका प्रमुख नसरे आलम, क्याम्पस प्राध्यापक संघका अध्यक्ष दिपक पौडेल र उपप्राध्यापक बिनोद तिमल्सिना रहनु भएको थियो ।

कार्यक्रममा चन्द्रपुर नगरपालिका सहकारी शाखाका प्रमुख नसरे आलमले यस्ता प्रतियोगिताले बिद्यार्थीहरुमा आत्मबल बढ्ने बताउनु भयो ।