काठमाडौं । नेपाल राष्ट्र बैंकले चालु आर्थिक वर्ष २०८१/८२ को मौद्रिक नीति सार्वजनिक गर्ने तयारी गरेको छ । नीति पास गर्न नेपाल राष्ट्र बैंक सञ्चालक समितिको बैठक अहिले बिहान बस्दैछ । शुक्रबार नै राष्ट्र बैंकले मौद्रिक नीति सार्वजनिक गर्ने तयारी गरेको छ । बजारलाई चलायमान बनाउने गरी मौद्रिक नीतिको मस्यौदा नेपाल राष्ट्र बैंकले तयार गरेको छ ।

यद्यपि, बोर्ड सदस्यहरूको राय बाझिएमा वा आफ्ना सुझाव राख्न केही समय मागेमा मौद्रिक नीति सार्वजनिक गर्ने मिति केही पर सर्नसक्ने बताइएको छ । यद्यपि, आजै दिउँदो अर्को बैठक बोलाएर सुझाव लिने र त्यसपछि मौद्रित नीति सार्वजनिक गर्ने तयारी बैंकको छ । 

गभर्नर महाप्रसाद अधिकारीले यसअघि ४ वटा  मौद्रिक नीति जारी गरिसक्नुभएको छ । यद्यपि, अघिल्ला मौद्रिक नीतिहरुको तुलनामा यो पटक धेरै कुरामा नीति फरक हुने निश्चित छ । किनकी विगतका परिस्थिति र अहिलेको परिस्थितिमा निक्कै अन्तर छ । विगतका तुलनामा अहिले वित्तीय अवस्था सकारात्मक तर थप चुनौतिपूर्ण देखिएको छ । 

विगतमा वैंकिङ प्रणालीमा स्रोत नभएकोले समस्या थपिन्थ्यो । यसपटक पैसा थुप्रिएको छ तर सरकारले खर्च गर्न सकेको छैन । बैंक वित्तीय संस्थाहरुले कर्जा प्रवाह गर्न सकेका छैनन् । यो समस्या समाधानको लागि मौद्रिक नीतिले बाटो खुलाउने अपेक्षा गरिएको छ ।

सहकारी क्षेत्र पनि मौद्रिक नीतिको पर्खाइमा रहेको छ ।