चन्द्रनिगाहपुर ,रौतहट । रौतहट बचत तथा ऋण सहकारी संघले चैत १ गते आफ्ना प्रारम्भिक संस्थाहरु परोहा न पा अन्तर्गत जिविकोपार्जन,लोक हित, पुजनिय र यमुनामाइ गा पा स्थित विजयलक्ष्मी साकोसको कार्यालय पुगी संस्थाको सं.ञ्चालक तथा व्यवस्थापन समूहसँग छलफल गरेको छ ।

संस्थाका सदस्यहरूलार्इ सहकारी प्रतिको सकारात्मक धारणा निर्माण गर्न उत्प्रेरकको भूमिका खेल्ने ,संघ र संस्थाको सम्बन्धमा न्यानोपना विकास गर्ने, छाता संघको भूमिका र प्रभावकारिताको सम्बन्धमा स्पष्ट धारणा राख्ने उद्देश्यले संघ प्रारम्भिक सस्थाहरुमा पुगेको हो । अहिलेसम्म ९ वटा संस्थामा संघको उपस्थिति भएको छ भने चालू आर्थिक वर्षमा २७ वटा सस्थामा पुगी उनीहरुको गतिविधिबारे यथार्थ जानकारी लिने कार्यक्रम रहेको छ । संघले विभिन्न १९ वटा सूचकमा केन्द्रीत भएर सदस्य संस्थाहरुको गतिविधि अनुगमन गरेको बचत संघका अध्यक्ष विभु पोखरेलले साकोस आवाजलाई जानकारी गराउनुभयो ।