चितवन । २०८० माघ १९ र २० गते चितवनका प्रभात दिदीबहिनी साकोस तथा चितवन औद्योगिक विकास साकोसका सञ्चालकहरुका लागि संयुक्त रुपमा नेतृत्व क्षमता विकास तालिम आयोजना गरिएको छ । उद्घाटन कार्यक्रममा प्रमुख अतिथि नेफ्स्कूनकी उपाध्यक्ष शान्ति अधिकारीले सहकारी क्षेत्रमा अहिले केही समस्या आएको भन्दै सबै प्रकृतिका सहकारीले बचत ऋणको कारोवार गरेर पनि समस्या देखिएको बताउनुभयो ।

सहकारीमा सुशासनको कमी भएको उल्लेख गर्दै उहाँले कतिपय अवस्थामा प्रक्रिया पूरा नगरी केह सिमिति सदस्यलाई ऋण लगानी गर्दा पनि समस्या आएको उपाध्यक्ष अधिकारीको भनाइ थियो । त्यसैले सहकारीको मुल्य, मान्यता र सिद्धान्त पालनातर्फ उहाँले ध्यानाकर्षण गराउनुभयो ।

वित्तीय सुशासनको लागि वित्तीय विश्लेषणको औजारको रुपमा PEARLS प्रयोग गर्नुपर्ने र साकोसहरुले गैर वित्तीय क्षेत्रमा लगानी गर्न नहुने उहाँले स्पष्ट पार्नुभयो । अहिलेको अवस्थामा मितव्ययी भएर संस्था संञ्चालन गर्नुपर्ने सुझाव उहाँले राख्नुभयो । संस्था स्तरीकरण कार्यक्रममा सहभागी मात्र भएर नहुने दिएको सुझावहरुको कार्यान्वयनमा जानुपर्नेमा उपाध्यक्ष अधिकारीको जोड थियो । स्तरीकरण कार्यक्रमले चितवनमा संस्थाको गुणस्तरअभिवृद्धिमा उल्लेखय योगदान गरेको तथ्य उहाँले प्रस्तुत गर्नुभएको थियो ।

प्रभात दिदीबहिनीले क्षमता विकासका कार्यक्रम निरन्तर गर्दै आएको पनि उहाँले स्मरण गर्नुभयो । चितवन उद्योग संघको हलमा आयोजित तालिमको सहजीकरण नेफ्स्कूनका तालिम अधिकृत उमेश कोइरालाले गर्नुभएको थियो भने संघको सदस्य सेवा कार्यालय चितवनका प्रमुख रिसभराज रेग्मी पनि उद्घाटन कार्यक्रमा सहभगाी हुनुभएको थियो । कार्यक्रम सञ्चालन चितवन औद्योगिक विकास साकोसकी व्यवस्थापक प्रमिला थापाले गर्नुभएको थियो ।