चन्द्रपुर, रौतहट । संकल्प बचत तथा ऋण सहकारी संस्था लि को १६ औ स्थापना दिवसको पूर्वसन्ध्यामा चन्द्रपुर-५ स्थित माउन्ट एभरेस्ट आ.मा. बि मा चन्द्रपुर नगर भित्रका सामुदायिक तथा संस्थागत बिद्यालयका कक्षा १० सम्मका विद्यार्थीको लागि आर्थिक तथा सामाजिक बिकासमा सहकारीको भूमिका विषयक बक्तृत्वकला प्रतियोगिता आयोजना गरिएको छ ।

कार्यक्रममा नगर भित्रका १६ वटा बिद्यालयका छात्र छात्रा सहभागी थिए । बिषयबस्तु केन्द्रित भएर सहभागीहरुले आफ्नो प्रस्तुति दिएका थिए । प्रतियोगी मध्ये चन्द्रपुर ४ स्थित पाथीभरा आ.मा. बि का छात्र प्रबीज्ञ तिमल्सिना प्रथम, चन्द्रपुर-१ स्थित बागमती मा बि की छात्रा सुभद्रा थापा द्धितिय र चन्द्रपुर-८ स्थित होलिभिजन एकेडेमीकी छात्रा कृतिका बजगाइ तृतीय भइन् ।

प्रथम, द्धितिय र तृतीय हुने छात्र छात्रालाई नगद क्रमशः ३०००, २००० र १००० प्रदान गरिने छ । कार्यक्रमको अध्यक्षता साकोसका अध्यक्ष बिभु कुमार पोखरेलले गर्नु भएको थियो भने प्रमुख अतिथि चन्द्रपुर नपा वडा न ५ का अध्यक्ष निलहरी कोइराला, अतिथिहरुमा चन्द्रपुर नपा शिक्षा शाखाकी जुना तिमल्सिना, प्याब्सन मधेस प्रदेश अध्यक्ष दिपक रेग्मी, माउन्ट एभरेस्टका प्रीन्सिपल अच्युत हुमागाइ, संचालक उमेश बास्कोटा लगायत रहनुभएको थियो । त्यस्तै निर्णायकमा पुर्व शिक्षकहरु इन्द्रराज अधिकारी, भरत प्रसाद आचार्य र ठाकुर प्रसाद उपाध्याय रहनु भएको थियोे । कार्यक्रममा संस्थाका लेखा सुपरिवेक्षण समितिका संयोजक गणेश पौडेलले स्वागत गर्नु भएको थियो ।

कार्यक्रम सन्चालन सचिब के बि थापा र सह सचिब चिरञ्जीवी गौतमले गर्नु भएको थियो । कार्यक्रमको संयोजन सस्थाको सामाजिक कृयाकलाप उप-समिति संयोजक भरत प्रसाद अधिकारीले गर्नु भएको थियो । कार्यक्रममा संस्थाका संचालक, कर्मचारी, शिक्षक बिद्यार्थीको उल्लेखनीय उपस्थिति रहेको थियो । संस्थाले स्थापना दिवसलाइै भब्य रुपमा मनाउने गरेको छ ।

बिगत बर्षहरुमा स्वास्थ्य शिविर, रक्तदान, साहित्यिक गोष्ठी, खेलकुद, बिरामीलाई हर्लिक्स बितरण, जेष्ठ सदस्यहरु सम्मान, सरसफाइ, निबन्ध लेखन प्रतियोगिता जस्ता कार्यक्रम सन्चालन गरेर सदस्यको मन जित्न सफल भएको छ । यस वर्ष पनि पौष २१ गते कम्तिमा ५०० शेयर सदस्य उपस्थित गराइ पुरस्कार, सम्मान लगायत विविध कार्यक्रम गरी भब्य रुपमा मनाउने तयारी गरिएको अध्यक्ष बिभु पोखरेलले जानकारी गराउनु भएको छ । बिगत १६ बर्ष देखि संकल्प साकोसले चन्द्रपुर नगरपालिकामा सामाजिक तथा आर्थिक बिकासमा उल्लेखनीय योगदान पुर्याउँदै आएको छ ।