काठमाडौं । नेफ्स्कूनको पुस ७ र ८ गते आयोजना हुने ३२औं वार्षिक साधारणसभाका लागि सदस्य संघ संस्थाहरुले आधिकारिक प्रतिनिधि मनोनय फारम दर्ता गराउने मिति अब मात्र ३ दिन बाँकी रहेको छ । आसन्न साधारण सभाका लागि प्रतिनिधि मनोनयन दर्ता फारम यही मंसिर ३० गतेसम्म बुझाइसक्नुपर्ने व्यवस्था रहेको छ । यसका लागि नेफ्स्कूनका सदस्य संघ संस्थाहरुले सञ्चाालक समितिबाट आधिकारिक प्रतिनिधि मनोनयन गरिएको पत्रसहित तोकिएको फारम भरेर संघको देशभरका कार्यालयहरुमध्ये आफूलाई पायक पर्ने कार्यालयमा बुझाउनुपर्नेछ । मनोनयन फारम दर्ता गराउने अन्तिम मिति मंसिर ३० गते शनिबार पनि उक्त प्रयोजनका लागि संघका देशभरका कार्यालयहरु खुला रहनेछन् ।