काठमाडौं । ललितपुरको लगनखेल मुख्य कार्यालय रहेको हाम्रो बचत तथा ऋण सहकारी संस्था लिमिटेडको २५औं वार्षिक साधारण सभा एकाइगत रुपमा सम्पन्न भएको छ । साधारण सभा अन्तर्गत पहिलो एकाइ सभा असोज २० गते उद्घाटन भएको थियो । पहिलो एकाइ सभा संस्थाका अध्यक्ष शम्भु प्रसाद फुयालको अध्यक्षता एवं महाँकाल गाउँपालिकाका अध्यक्ष गणेश बहादुर केसीको प्रमुख आतिथ्यतामा सम्पन्न भएको थियो ।

त्यस्तै, दोस्रो एकाई तथा समापन कायक्रम असोज २७ गते सम्पन्न भएको हो । उक्त कार्यक्रम संस्थाका अध्यक्ष शम्भु प्रसाद फुयालको अध्यक्षता एवं नेपाल बचत तथा ऋण केन्द्रीय सहकारी संघ लिमिटेड नेफ्स्कूनका अध्यक्ष परितोष पौड्यलाको प्रमुख आतिथ्यतामा सम्पन्न भएको हो । उक्त साधारण सभाबाट सञ्चालक समितिबाट प्रस्तुत प्रतिवेदनहरु, लेखा सुपरिवेक्षण समितिबाट प्रस्तुत प्रतिवेदन, लेखा परिक्षण प्रतिवेदनसहित सञ्चालक समितिबाट प्रस्तुत प्रस्तावहरु पारित भएका छन् ।

२०८० असार मसान्तसम संस्थामा ७ हजार बढी सेयर सदस्य रहेका छन् भने शेयर पूँजी १६ करोड, संस्थागत पूँजी १४ करोड, बचत १ सय १४ करोड, ऋण लगानी १ सय २६ करोड र कुल सम्पती १ सय ७२ करोड पुगेको छ।