धनुषा । नगराईन न.पा.६ मा सञ्चालित नगराईन बचत तथा ऋण सहकारी संस्था लि.कर्ब्स कार्यक्रममा आवद्ध भएको छ । कार्यक्रममा नेफ्स्कूनको तर्फबाट कार्यक्रम अधिकृत राजेन्द्र ढकाल र नेफ्स्कून जनकपुर सदस्य सेवा कार्यालयका प्रमुख वृजेश गुप्ताको उपस्थिति रहेको थियो । 

साकोसका प्रतिनिधिहरुले वित्तीय सहकारीले पैसाकै मात्र कारोबार गर्ने हुनाले जेखिम अत्याधिक हुने र साकोस सञ्चालनमा आईपर्ने जोखिमलाई न्यूनिकरण गर्नको निमिक्त नेफ्स्कूनले सञ्चालन गरेको जोखिममा आधारित साकोस सुपरिवेक्षण कार्यक्रम (कर्ब्स) कार्यक्रमले महत्वपूर्ण भूमिका खेल्नेमा विश्वस्त रहेको बताउनुभयो । सहकारी स्वनियमनमा चल्ने र सदस्यहरुको सम्पत्तिमा सदस्यहरुबाटै नियन्त्रण हुने भएकोले सुशासित, भरपर्दो, विश्वसनीय साकोस निर्माण गदै यसको निरन्तरताको लागि आन्तरिक नियन्त्रण प्रणालीलाई सुरुवातबाटै व्यवस्थित बनाउन सक्नुपर्नेमा सहभागी वक्ताहरुले जोड दिनुभयो ।