विर्तामोड । झापा जिल्लामा सञ्चालित बचत तथा ऋण सहकारी संस्थाहरु गुणस्तर सुनिश्चितताका कार्यक्रमप्रति आकर्षित देखिएका छन् । जिल्लामा वैशाख २ गते शनिबार आयोजित सहकारी अन्तरक्रिया कार्यक्रममा सहभागी साकोसहरुमध्येबाट पाँच साकोसले एकसाथ नेफ्स्कूनद्वारा सञ्चालित पूर्ण तथा व्यवसायिक साकोस विकास कार्यक्रम– प्रोबेसनमा आबद्धता जनाएका हुन् । 

झापाको दमकमा रहेको द एभरेष्ट साकोस, दर्पण साकोस, गोल्डेन गेट साकोस, मेचीनगरको मेचीनगर साकोस र विर्तामोडको श्री स्वरोजगार भवानी साकोस गरी ५ साकोसले एकसाथ प्रोबेसन कार्यक्रममा सम्झौता गरेका हुन् ।

नेफ्स्कूनले २०६९ सालदेखि सहकारी विभागसँगको सहकार्यमा सञ्चालनमा आएको प्रोबेसन कार्यक्रम अन्तर्गत अनुगमन तथा सुपरिवेक्षण गरी गुणस्तर विकासका लागि निर्माण गरिएका मुख्य दुई क्षेत्र अन्तर्गत कुल ५० वटा सूचकहरुमा साकोसको गुणस्तर मापन गरिन्छ ।