नेपाल सरकार, भूमि व्यवस्था, सहकारी तथा गरिबी निवारण मन्त्रालय, सहकारी विभाग र नेफ्स्कूनको संयुक्त आयोजना तथा नेफ्स्कून साकोस म्यानेजर्स क्लवको व्यवस्थापनमा जारी व्यवस्थापन प्रमूखहरुको दुई दिवसीय राष्ट्रिय गोष्ठी (SACCOS CEOs' National Workshop-2023) देशभरका बचत तथा ऋण सहकारी संघ संस्थाका ४ सय भन्दा बढी व्यवस्थापन प्रमुखहरुको उत्साहपूर्ण सहभागिताका साथ ११ बुँदे साझा संकल्प प्रस्तावमा ऐक्यवद्धता जाहेर गर्दै  सफलतापूर्वक सम्पन्न भएको छ ।

प्रविधियुक्त सेवा र सुशासनः दिगो साकोस र छवि निर्माणका लागि जिम्मेवार व्यवस्थापन भन्ने सोचका साथ फागुन २४ र २५ गते काठमाण्डौंको द होटल सोल्टीमा भएको गोष्ठीको समापन सहकारी विभागका रजिष्ट्रार नमराज घिमिरेको प्रमुखत्वमा भएको हो ।  

दुई दिनको राष्ट्रिय गोष्ठी मा प्रस्तुत विज्ञ तथा स्रोत व्याक्तिहरुको प्रस्तुती, साकोसका प्रमुख कार्यकारी अधिकृतहरु र सरोकारवाला निकायहरुवाट सहभागिहरुको अभिमत र छलफलवाट उपलब्ध सिकाइका आधारमा ११ बुंदे साझा संकल्प तयार गरी जिम्मेवार व्यवस्थापन निर्माण मार्फत सुरक्षित बचत तथा ऋण अभियान निर्माणका लागि प्रतिबद्धता व्यक्त भएको छ ।

साझा संकल्प प्रस्ताव

1    बचत तथा ऋण सहकारीहरुको सेवा स्तरीकरण, संस्थागत दिगोपना र अलग्गै पहिचानका लागि नीतिगत वातावरण तयार गर्न बचत तथा ऋण सहकारी ऐन निर्माणका लागि ऐक्यबद्धता र आवस्यक पैरबी गर्ने ।

2    नेपाल बचत तथा ऋण केन्द्रीय सहकारी संघ लिमिटेड ( नेफ्स्कून) का सदस्य संघ संस्थाहरुलाई जारी गरिएको एकिकृत स्वनीयमन मार्गनिर्देशन पालन गर्ने । 

3    बचत तथा ऋण सहकारीहरुको छवी संरक्षण र प्रबिधी हस्तान्तरणका लागि विकास भएका स्तरीकरण(एक्सेस, प्रोवेसन तथा कब्र्स) कार्यक्रमहरुमा सहभागि भइ संस्थागत विकास र सुदृढिकरण गर्ने ।

  4   कोभिड–१९ पश्चात वृहत अर्थव्यवस्थामा आएको बदलाव र सो को बचत तथा ऋण सहकारीहरुमा परेको प्रभाववाट सदस्यहरु र संस्थाको संरक्षणका लागि संस्थाको आकार, संरचना र योजनाहरुको समिक्षा गरी सन्तुलन कायम मार्फत स्वस्थ्य र सुरक्षित साकोस निर्माण गर्न पल्र्स प्रणालीको पुर्ण कार्यान्वयन गर्ने।

5    कोभिड–१९ पश्चात तरलता लगायत कारणले संकट उन्मुख साकोसहरुको सुरक्षाका लागि स्व जागरण सहजिकरण (Self Recovery Facilitation Program- SRFP)   विकास गरी संघ मार्फत कार्यान्वयन गर्ने ।  बचत तथा ऋण सहकारी संस्था सम्बन्धी सकारात्मक लेख रचनाहरु नियमित सार्वजनिक सञ्चारमाध्यमहरुमा प्रकाशन गर्ने

6    वित्तीय सहकारीको दर्शन र मुल्यमा आधारित व्यवसायिक जनशक्ति विकासका लागि निरन्तर प्रणाली, पद्धती र प्रबिधिको अवलम्बन गर्न श्रम ऐनले तोकेका सेवा सुबिधा तथा सुरक्षाका न्यूनतम शर्तहरु संस्थामा पालन गराउने र जनशक्ति व्यवस्थापनलाई प्रभावकारी बनाउन नेफ्स्कून साकोस म्यानेजर्स क्लवको सहभागिताका कार्यशाला आयोजना गर्ने ।

7    बचत तथा ऋण सहकारीहरुको लागि व्यवस्था गरिएका बाध्यकारी नियामकीय प्रबन्धहरु( कोपोमिस, गो ए एम एल) पुर्णरुपमा कार्यान्वयन गर्ने र कार्यान्वयनमा कठिन भएका क्षेत्रहरुमा संघवाट सहजिकरणको व्यवस्था गराउने ।

8    वाह्य तथा आन्तरिक रुपमा देखा पर्ने जोखिमहरुको व्यवस्थापन गर्न संस्थागत पूँजी कम्तीमा पाँच प्रतिशत कायम गरी स्थिरीकरण कोषमा आबद्ध भइ नियमित जोखिम सुपरिवेक्षण गर्ने र व्यवस्थापनमा पहिला सुरक्षाको सिद्धान्त कर्यान्वयन गर्ने ।

9    न्यून लागतमा समाबेशी वित्तीय सेवा समुदायका सबै वर्गमा प्रवाह गर्न सञ्जालको साझा सेवाको रुपमा प्रबिधि विकासमा योगदान गर्ने र उपलब्ध भए सम्म सञ्जालको साझा प्रबिधिको उपयोग गर्ने ।

10    सदस्यहरुको समृद्धि र वास्तविक अर्थव्यवस्थामा नै योगदानका लागि उत्पादन र उत्पादकत्व बृद्धि गर्न पाँच करोड भन्दा माथि कारोवार गर्ने सबैले अनिवाय व्यवसाय विकास सेवा कक्ष स्थापना र जनशक्ति व्यवस्थापन मार्फत सदस्यहरुलाई व्यवसाय विकास सेवा उपलब्ध गराउने । 

11    साकोस एकरुपता प्रणाली कार्यान्वयन करारीय सम्झौता मार्फत गर्न नेफ्स्कूनसँग  सम्झौता गरी कार्यान्वयन कार्यान्वयन सुनिश्चितता गर्ने र सञ्जालको सक्षमता विकासका लागि संस्थाको वित्तीय तथा गैर वित्तीय स्रोत सञ्जाल मार्फत परिचान गर्न संघ संस्थको तोकीएको तथ्याङक तोकिएको ढाँचामा तोकिएको समयमा नै उपलब्ध गराउने । 

उपरोक्त प्रतिवद्धताहरु संघ संस्थामा नीतिगत व्यवस्था गरी क्रमश कायान्वयन गर्ने