काठमाडौं । एक्सेसमा आवद्ध साकोसहरुको सिकाइ आदान प्रदान गर्ने कार्यक्रम एक्सेस मेची कोशी क्लस्टर प्रथमको ३२ औं कार्यकुशलता तथा सिकाइ व्यवस्थापन कार्यशाला नेफ्स्कूनको प्राविधिक सहयोग र  सहारा नेपाल साकोसको आयोजनामा भएको छ । बिर्तामोड स्थित संस्थाको हलमा आयोजित कार्यक्रम संस्थाका अध्यक्ष हरि बहादुर राजबंसीको अध्यक्षता सम्पन्न भएको हो । 

सुनसरी, मोरङ र झापाका ७ ओटा साकोसका जम्मा ४३ जनाको सहभागिता रहेको कार्यक्रमको प्रमुख आतिथ्यता नेफ्स्कून सञ्चालक सदस्य घनश्याम अधिकारीकोले गर्नुभएको थियो भने नेफ्स्कूनका पूर्व कोषाध्यक्ष केशब प्रसाद पोखरेलले विशिष्ठ अतिथितिको आतिथ्यता गर्नुभएको थियो । कार्यक्रमको सहजिकरण नेफस्कूनका कार्यक्रम अधिकृत कोमल राज अधिकारीले गर्नुभएको थियो । सहजिकरणका क्रममा अधिकारीले सुरक्षित ऋण लगानीका सम्बन्धमा प्रस्तुतिकरण राख्नुभएको थियो ।

कार्यक्रममा बोल्दै प्रमुख बिशिष्ट अथिति नेफ्स्कूनका पूर्व कोषाध्यक्ष पोखरेलले वित्तीय संकट व्यवस्थापन गर्न ऋण तथा बचतमा सभगिता स्तर बृद्धि गर्नु, लगानी योग्य कोषको विकास गर्ने र दिर्घकालिन दायित्व को ब्यबस्थपन गर्नुपर्नेकुरामा जोड दिनु भएको थियो भने प्रमुख अथिति घनश्याम अधिकारीले साकोस अभियानलाई थप मजबुत बनाउन नेफ्स्कूनले भुमिका खेलिरहेको बताउनु भयो ।

उक्त कार्यक्रममा ६ ओटै साकोसका व्यवस्थापन प्रमुखबाट आआफ्नो संस्थागत प्रस्तुतिकरण गरी असल अभ्यासहरुको साटासाट भएको थियो ।  

बैठकले आगामी ३३ औँ कार्यकुशलता तथा सिकाई व्यवस्थापन कार्यशाला मिति २०८० जेष्ठ १९ गते नेफ्स्कून को प्राविधिक सहयोग र महिला साकोस ईटहरीको आयोजनामा गर्ने समेत निर्णय गरिएको छ ।