काठमाडौं । चन्द्रागिरि नगरपालिका ७, थानकोटमा रहेको चन्द्रागिरि बचत तथा ऋण सहकारी संस्था लि.को नायव प्रमुख कार्यकारी अधिकृतमा कबिन्द्र धौबन्जार नियुक्त हुनुभएको छ । धौबन्जारलाई माघ ५ गतेदेखि लागुहुने गरी साकोसको नायव प्रमुख कार्यकारी अधिकृतको जिम्मेवारी प्रदान गरिएको हो । साकोसका प्रमुख कार्यकारी अधिकृत कृष्णकुमार श्रेष्ठले साकोसका अध्यक्ष एवम् पदाधिकारी सहितको उपस्थितिमा धौबन्जारलाई नियुक्ती पत्र हस्तान्तरण गर्नुभएको थियो । 

विगत २२ बर्षदेखि सदस्यहरुमा निरन्तर वित्तीय तथा गैरवित्तीय सेवा प्रदान गर्दै आइरहेको चन्द्रागिरि साकोसले गत पौष ६ गते राष्ट्रिय दैनिक पत्रिका मार्फत नायव प्रमुख कार्यकारी अधिकृत आवश्यकता सम्बन्धी सूचना प्रकाशन गरेको थियो । १६ हजार भन्दा बढी सदस्यहरुमा सेवा प्रवाह गर्दै आइरहेको साकोसको कुल सम्पत्ती करिब ३ अर्ब भन्दा बढि रहेको छ । 

कविन्द्र धौबन्जार यस अघि भक्तपुरस्थित सामूहिक बचत तथा ऋण सहकारी संस्थाको व्यवस्थापक हुनुहुन्थ्योे । सामूहिक साकोसमा रहेर व्यवस्थापक धौबन्जारले संस्थागत सुशासन र सहकारी क्षेत्रको विकासमा महत्वपूर्ण योगदान पुर्याउँदै आउनुभएको थियो ।