भक्तपुर नगरकोट । काठमाडौं थानकोट स्थित थानकोट महिला जागरण बचत तथा ऋण सहकारी संस्था लि. को संस्थागत विकास तालिम सम्पन्न भएको छ ।

नेफ्स्कूनको प्राविधिक सहजीकरणमा नगरकोट भक्तपुरमा पौष २६ देखि २८ गतेसम्म सञ्चालित संस्तागत विकास तालिममा साकोसका सञ्चालक समिति, लेखा सुपरिवेक्षण समिति, विभिन्न उपसमितिका संयोजक एवम् सदस्यहरु र उच्च व्यवस्थापनका कर्मचारीहरु गरी २१ जनाको सहभागिता रहेको थियो । 

साकोसका अध्यक्ष सपना श्रेष्ठको अध्यक्षता, वागमती प्रदेशकी नवनिर्वाचित सांसद विन्दु श्रेष्ठको प्रमुख आतिथ्यतामा कार्यक्रमको उद्घाटन भएको थियो । 

संस्थाकी अध्यक्ष श्रेष्ठले संस्थागत विकास तालिमले सुशासन कायम हुनेमा विश्वास लिइएको बताउँदै तालिम पश्चात नेपाल स्तरको प्रोवेसन ब्राण्ड हासिल गर्ने उद्देश्यका साथ संस्थागत विकासको कार्यमा जोड दिइने उल्लेख गर्नुभयो । 

सहभागीहरुले तालिम निकै उपलव्धिमुलक हुनुको साथै तालिमबाट व्यवहारिक ज्ञान प्राप्त भएको र सो ज्ञानलाई संस्थामा कार्यान्वयनमा ल्याई संस्थागत विकासमा मद्दत गर्ने प्रतिवद्धता समेत जनाउनु भएको थियो । 

संस्थागत विकास तालिमको सहजिकरण नेफ्स्कूनका कार्यक्रम अधिकृत कोमल राज अधिकारी र तालिम अधिकृत उमेश कोईरालाले गर्नुभएको थियो ।