काठमाडौं । दीपावती बचत तथा ऋण सहकारी संस्था लि. ललितपुरले बुधबार २४आंै वार्षिक साधारणसभा साथै रजत बर्षको औपचारिक शुभारम्भको घोषणा गरेको छ । सभाको उद्घाटन प्रमुख अतिथि ललितपुर क्षेत्र नंं. २ का प्रतिनिधिसभा सदस्य प्रेम बहादुर महर्जनले गर्नुभएको थियो ।

प्रमुख अतिथिबाट रजत वर्ष को लोगो अनावरण गरिएको थियो । समारोहमा साकोसले झण्डोतोलन गरि बाजागाजाका साथ प्रभातफेरि कार्यक्रम समेत गरेको थियो ।

दीपावती साकोसका अध्यक्ष सानुकाजी महर्जनको अध्यक्षतामा आयोजित सभामा सहकारी विभाग, सहकारी बैक, वडा नं. ८ वडाध्यक्ष, जिल्ला सहकारी संघ, बहुउद्देश्यीय सहकारी संघ, ललितपुर जिल्ला बचत तथा ऋण सहकारी संघ, अन्तर सहकारी सुरक्षण कोष लगायत विभिन्न स्थानीय सहकारीका प्रतिनिधिहरुको उपस्थिति रहेको थियो । 

स्वागत तथा वार्षिक प्रतिवेदन अध्यक्ष सानुकाजी महर्जनले प्रस्तुत गर्नुभएको थियो । आर्थिक प्रतिवेदन कोषाध्यक्ष सुरज शाक्यले र लेखा सुपरिवेक्षण समितिको प्रतिवेदन लेखा संयोजक राजेश शाक्यले  प्रस्तुत गर्नुभएको थियो ।

साकोसको आ.ब. २०७८ ०७९ मा कुल सदस्य संख्या ६ सय ९९, शेयर पुँजी रु. १ करोड १५ लाख ५५ हजार ४ सय, बचत रु. १३ करोड ८१ लाख ८४ हजार २०४, ऋण लगानी रु. ११ करोड २५ लाख ३२  हजार ७५१, जगेडा तथ अन्य कोषमा रु. ७२ लाख ८० हजार ७३६ र कुल सम्पत्ती रु. १६ करोड १९ लाख २ हजार ९२९ रहेको बार्षिक प्रतिवेदनमा उल्लेख गरेको छ । 

साधारणसभामा दीपावती साकोसका सल्लाहकार एवं जिल्ला सहकारी संघका सचिव अनिल वीर बज्राचार्य, सहकारी विभागका अधिकृत चन्द्र लाल डंगोल लगायतले शुभकामना मन्तव्य व्यक्त गर्नुभएको थियो ।  

साधारणसभाका अवसरमा साकोसका जेष्ठ (भिमरथारोहण सिध्येका) सदस्यहरु, उत्कृष्ट नृत्य प्रस्तुत गर्ने बाल सदस्यहरु र एसईई उत्तिर्ण बाल सदस्यहरुलाई उपहार तथा नगद पुरस्कारका साथ सम्मान पत्र प्रदान गरिएको थियो । 

साकोसले रजत वर्षका अवसरमा रक्तदान कार्यक्रम, उद्यम प्रवद्र्धन मेलाको आयोजना, सदस्यहरुलाई हाइकिङ्ग कार्यक्रम, सहकारी हाजिरी जवाफ प्रतियोगिता, खेलकुद कार्यक्रम, सहकारी अवलोकन भ्रमण, स्मारिका प्रकाशन लगायतका विविध कार्यक्रमको आयोजना गरिने जनाएको छ । 

कार्यक्रम सञ्चालन साकोसका सचिव लक्ष्मण शाक्यले गर्नुभएको थियो भने सम्मान तथा पुरस्कार घोषणा ब्यवस्थापक मन शोभा शाक्यले गर्नुभएको थियो । उद्घाटन सत्र समापनका अवसरमा साकोसका उपाध्यक्ष राजमान महर्जनले धन्यवाद ज्ञापन गर्नुभएको थियो ।