काठमाडौं । नवलपुरको कावासोतीमा साकोसहरूका लागि जोखिममा आधारित साकोस सुपरिवेक्षण अभिमुखीकरण सञ्चालन गरिएको छ । नेपाल बचत तथा ऋण केन्द्रीय सहकारी संघ लि.(नेफ्स्कून) र नवलपुर जिल्ला बचत तथा ऋण सहकारी संघ लि.को संयुक्त आयोजनामा सञ्चालित अभिमुखीकरणमा संघमा आबद्ध २३ बचत तथा ऋण सहकारी संस्थबाट १९ जना महिला र १६ जना पुरुष गरी कुल ३५ जनाको सहभागिता रहेको थियो । 

नेफ्स्कूनकी सञ्चालक सदस्य विद्या कोइरालाको अध्यक्षतामा शुरु भएको कार्यक्रम नवलपुर जिल्ला बचत संघका कार्यवाहक अध्यक्ष होमनाथ जैशीको अध्यक्षतामा समापन भएको थियो । 

अभिमुखीकरण सहजीकरण नेफ्स्कूनका सहायक कार्यकारी अधिकृत एवम् सदस्य सेवा विभाग प्रमुख गणेश प्रसाद तिमल्सिनाले गर्नुभएको थियो भने व्यवस्थापन चितवन फिल्ड कार्यालयका इन्चार्ज रिषभराज रेग्मीले गर्नुभएको थियो ।