सिन्धुली । नेफ्स्कून सेवा केन्द्र सिन्धुलीको आयोजनामा १ दिवसिय सुरक्षित ऋण परिचालन तथा जोखिम व्यवस्थापन गोष्ठि सिन्धुलीमाढीमा मङसिर २२ गते सम्पन्न भएको छ । 

गोष्ठिमा राष्ट्रिय सहकारी महासंघका लेखा समीति सदस्य तथा सिन्धुली बचत तथा ऋण सहकारी संघका अध्यक्ष बाल कुमारी श्रेष्ठको अध्यक्षता रहेको थियो । 

अध्यक्ष श्रेष्ठले तालिममा साकोसको वित्तीय परिचालनका लागि सदस्यको ऋण निवेदन परेपश्चात लगानीपूर्वको विश्लेषण, लगानीमा रहेको ऋणको अनुगमन र कारणबस भाखा नाघेको अवस्थामा भाखा नाघेको ऋणको व्यवस्थापन सम्मका प्रक्रिया पुरा गर्न साथै आगामी दिनमा गरीने ऋण लगानीको सुरक्षित परिचालनका निम्ति सहयोग पुग्ने बताउनु भयो । 

गोष्ठिमा सिन्धुली जिल्लामा सञ्चालित ३५ बचत तथा ऋण सहकारी संस्थाका पदाधिकारी, सञ्चालक सदस्य, व्यवस्थापक र कर्मचारी गरी ४० जनाको उपस्थित रहेको थियो  । गोष्ठिमा ऋण लगानीका प्रक्रिया, लगानीपश्चात आईपर्ने सम्भावित जोखिम र तिनको व्यवस्थापनको विषयमा छलफल भएको र सिकाई उपलव्धिमुलक भएको गोष्ठिका सहभागीहरुको भनाई थियो । 

उक्त गोष्ठिको सहजीकण नेफ्स्कूनका तालिम अधिकृत सुमन राज घिमिरेले गर्नुभएको थियो भने आवश्यक समन्वय  नेफ्स्कून सेवा केन्द्र सिन्धुलीका ईन्चार्ज श्याम बुढाथोकी र कर्मचारी अस्मिता दाहालले  गर्नुभएको थियो ।