जनकपुरधाम । धनुषाको जनकपुरधाममा साकोसका पदाधिकारी र व्यवस्थापकहरुका लागि माइन्यूट लेखन तथा साधारणसभाको प्रतिवेदन लेखन सम्बन्धी तालिम प्रदान गरिएको छ । 

तालिममा धनुषाका ५० वटा बचत तथा ऋण सहकारी संस्थाबाट गरी ६० जनाको सहभागिता रहेको थियो । कार्तिक २८ गते आयोजित तालिमको अध्यक्षता नेफ्स्कून जनकपुर फिल्ड कार्यालय व्यवस्थापन उपसमिति सदस्य सुधिर कुमार पाण्डे र प्रमुख आतिथ्यता जिल्ला बचत तथा ऋण सहकारी संघ लि. धनुषाका अध्यक्ष ध्रुवनारायण यादवले गर्नु भएको थियो । 

कार्यक्रममा फिल्ड कार्यालय व्यवस्थापन उपसमिति सदस्यहरु गंगा बलम्पाकी, विजय महतो र नविन कुमार कर्णको सहभागिता रहेको थियो । फिल्ड व्यवस्थापन उपसमिति सस्दय गंगा बलम्पाकीले कार्याक्रममा स्वागत मन्तव्य व्यक्त गर्नुभएको थियो । 

कार्यक्रमका प्रमुख अतिथि ध्रुवनारयण यादवले नेफ्स्कून फिल्ड कर्यालय जनकपुरधाममा सञ्चालनमा आए पछि धैरे साकोसहरु शुसानमा आएको बताउनुभयो । उहाँले नेफ्स्कूनद्वारा सञ्चालित विभिन्न तालिम कार्यक्रमहरु धनुषा र महोत्तरीमा अझै व्यापक बनाउनुपर्ने आवश्यकता रहेको औल्याउनुभयो । 

कार्यक्रमका सभाध्यक्ष सुधिर कुमार पाण्डेले तालिम पश्चात सहभागीहरुले अब माइन्युट लेखन र साधारणसभाको प्रतिवेदन लेखन कार्य प्रभावकारी रुपमा गर्न सक्ने सामथ्र्य विकास भएको वताउनुभयो । 

कार्याक्रमको सहजीकरण नेफ्स्कूनका कार्यक्रम अधिकृत विदुर खड्काले र कार्यक्रम सञ्चालन फिल्ड कार्यालय प्रमुख राजेन्द्र ढकालले गर्नु भएको थियो ।