रुपन्देही । देवदह नगरपालिका ७, शित्तलनगरमा मुख्य कार्यालय रहेको पल्लबी बचत तथा ऋृण सहकारी संस्था लि. ले आफ्नो ११ औं स्थापना दिवसका अवसरमा विविध सामाजिक उत्तरदायित्वका कार्यक्रमहरु सञ्चालन गरेको छ । 

कार्तिक २१ गते, सोमबार ११औं स्थापना दिवसको विशेष कार्यक्रम सहित साकोसले पल्लबी शैक्षिक अक्षय कोष मार्फत देवदह १ मा रहेको खड्ग माध्यामिक विद्यालयमा अध्ययनरत विपन्न परिवारका विद्यार्थीहरुका लागि ३२ थान स्कूल युनिफर्मको स्वेटर वितरण गरेको थियो । 

त्यसैगरी मंगलबार साकोसले देवदह ७, पिपलडाँडामा बृहत रक्तदान कार्यक्रमको समेत आयोजना गरेको थियो । बुटवल ब्लड बैंक, रुपन्देहीको प्राविधिक सहयोगमा सञ्चालित रक्तदान कार्यक्रममा रक्तदाताहरुको उल्लेख्य सहभागिता रहेको साकोसले जनाएको छ ।