काठमाडौं । दाङको घोराहीमा रहेको हाम्रो नोवेल बचत तथा ऋण सहकारी संस्था लि.कर्ब्स कार्यक्रममा आबद्ध भएको छ । कर्ब्स कार्यक्रम नेफ्स्कूनले सञ्चालन गरेको जोखिममा आधारित साकोस सुपरिवेक्षण कार्यक्रम हो । 

साकोसको कार्यालयमा आज आयोजित एक संक्षिप्त कार्यक्रमका बीच साकोसकी अध्यक्ष सुस्मा कुमारी रेग्मी र नेफ्स्कूनको तर्फबाट अनुगमन अधिकृत पवनजंग मल्लले सम्झौतापत्रमा हस्ताक्षर गर्नुभएको थियो ।  

कार्यक्रममा साकोसका कोषाध्यक्ष द्रोणराज भण्डारी, लेखा सुपरिवेक्षण समितिकी सदस्य निर्मला न्यौपाने, सहायक व्यवस्थापक रुक्सा गुप्ता  र नेफ्स्कून दाङ फिल्ड कार्यालयका इन्चार्ज बिष्णु जोशी उपस्थित हुनुहुन्थ्यो । 

२०६५ असार १९ गते स्थापना भएको हाम्रो नोवेल साकोसमा ८ सय ७ जना शेयर सदस्य छन् भने साकोसको कुँल पुँजी ५ करोड ७१ लाख रुपैयाँ रहेको छ ।