सर्लाही । सर्लाहीको बागमती नगरपालिका वडा नं. ६ मा अवस्थित सुर्योदय बचत तथा ऋण सहकारी संस्था लि.को १६औं वार्षिक साधारणसभा असोज २८ गते सम्पन्न भएको छ । सभाको उद्घाटन बागमती नगरपालिकाका  नगर प्रमुख भरत कुमार थापाको प्रमुख आतिथ्यतामा भएको थियो । 

सभामा जिल्ला बचत तथा ऋण सहकारी संघ सर्लाहीका अध्यक्ष बाबुराम घिमिरेको विशिष्ट आतिथ्यता र नेफस्कूनका कार्यक्रम अधिकृत सुरज चालिसे, नेफस्कूनका फिल्ड कार्यालय प्रमुख महेश बराल, राष्ट्रिय सहकारी बैक लि.  हरिवनका शाखा प्रमुख नारायण लामिछाने, थानीय सहकारीकर्मी, वित्तीय संस्थाका विशिष्ट व्यक्तिहरु, पत्रकारहरु लगायतको उपस्थिति रहेको थियो ।

बागमती नगरपालिका र बरहथवा नगरपालिका कार्यक्षेत्र रहेको यस साकोसको ४ वटा कार्यालयहरु सञ्चालन गरि सदस्यहरुमा वित्तीय सेवा प्रदान गरिरहेको छ । कार्यक्रममा उत्कृष्ण बचतकर्तातर्फ उत्तम कुमार कोइराला, उत्कृष्ण ऋणतर्फ सोशिला देवि राउत कुर्मि, बाल बचतकर्ता तर्फ प्रजित मैनाली, उत्कृष्ण समुहतर्फ संजिता महिला समुह र संस्थाको प्रगतिमा महत्वपूर्ण भूमिका निर्वाह गर्नुभएका नेफस्कूनका कार्यक्रम अधिकृत सुरज चालिसेलाई सम्मान गरिएको थियो ।

सभामा नेफस्कूनका कार्यक्रम अधिकृत सुरज चालिसेले बचत तथा ऋण सहकारी संस्थामा सदस्यरुको भूमिका र साधारणसभाबारे सदस्य शिक्षा प्रदान गर्नु भएको थियो ।

साकोसले १६औं वार्षिक साधारणसभाको अवसरमा रक्तदान कार्यक्रमको समेत आयोजना गरेको थियो । नेपाल रेडक्रस सोसाईटी उप शाखा राजघाटको सहयोगमा सञ्चालित कार्यक्रममा १४ जना महिला र ९६ जना पुरुषले गरि १ सय १० जना सदस्यहरुले रक्तदान गर्नु भएको थियो ।

संस्थाका अध्यक्ष जवाहारलाल कुशवाहाको अध्यक्षतमा सम्पन कार्यक्रम सञ्चालन साकोसका कोषाध्यक्ष इन्द्र प्रसाद दाहालले गर्नुभएको थियो ।