ललितपुर । ललितपुर जिल्ला बचत तथा ऋण सहकारी संघ लि. मा रामहरि बजगाई पुनः दोस्रो कार्यकालका लागि अध्यक्षमा निर्वाचित हुनुभएको छ । 

बचत संघको भाद्र २७ गते सोमबार भएको निर्वाचन सहितको को २८औं वार्षिक साधारणसभाले पुनः रामहरि बजगाईंको अध्यक्षतामा नयाँ सञ्चालक समिति निर्वाचित गरेको हो । 

संघमा रामहरि बजगाई र नरेन्द्र महर्जनबीचको दुई प्यानलबीच निर्वाचन प्रतिस्पर्धा भएको थियो । अध्यक्ष पदमा निर्वाचित बजगाईले २२५ मत ल्याउनुभएको थियो भने उहाँका प्रतिष्पर्धी नरेन्द्र महर्जनले १३३ मत ल्याउनुभएको थियो ।

निर्वाचनले रामहरि बजगाईं प्यानलबाट १५ जना, सचिव पदमा स्वतन्त्र उम्मेदवारी दिएका श्यामकृष्ण महर्जन  र नरेन्द्र महर्जनको प्यानलबाट २ जना गरी १८ जना विजयी गरेको छ । 

समितिको बरिष्ठ उपाध्यक्षमा करुणारन्त बज्राचार्य, उपाध्यक्षमा लक्ष्मी शाक्य, कोषाध्यक्षमा बसन्त मालि, लेखा सुपरिवेक्षण समितिको संयोजकमा सानुकाजी महर्जन, लेखा समितिको सदस्यमा कान्छा बज्राचार्य र लक्ष्मी श्रेष्ठ निर्वाचित भएका छन् भने संचालक समितिको सदस्यमा १० जना निर्वाचित भएका छन् ।