जनकपुरधाम । धनुषाको जनकपुरधाममा साकोसहरुका लागि धितो लिलामी प्रक्रिया तथा कानूनी व्यवस्था सम्बन्धी एक दिने गोष्ठी मंगलबार सञ्चालन भएको छ । 

मधेश प्रदेशमा सञ्चालित सहकारीहरुलाई लक्षित गरि नेफ्स्कूनद्वारा आयोजना गरिएको गोष्ठीमा नेफ्स्कूनमा आवद्ध महोत्तरी र धनुषाका ५५ ओटा बचत तथा ऋण सहकारी संस्थाबाट ६० जनाको सहभागिता रहेको थियो । नेफ्स्कून जनकपुर फिल्ड कार्यालय व्यवस्थापन उपसमितिका सदस्य गंगा बलम्पाखिले कार्यक्रमको शुभारम्भ गर्नुभएको थियो । कार्यक्रममा धितो लिलामीको प्रक्रिया र कानुनी व्यवस्था सम्बन्धी केके प्रावधान रहेको छ भन्ने विषयमा नेफ्स्कूनका कानुनी परामर्शकर्ता शिव कुमार अधिकारीले सहजीकरण गर्नु भएको थियो । 

कार्यक्रममा फिल्ड व्यवस्थापन उपसमिति सदस्य सुधिर कुमार पाण्डेले स्वागत मन्तव्य राख्नु भएको थियो भने फिल्ड व्यवस्थापन उपसमिति सदस्यहरु नविन कुमार कर्ण र विजय कुमार महत्तोले शुभकामना मन्तव्य राख्नु भएको थियो ।

कार्याक्रमको व्यवस्थापन नेफ्स्कून फिल्ड कार्यालय जनकुरधामले गरेको थियो ।