काठमाडौं । दक्षिणकाली नगरपालिका–६, फर्पिङमा अवस्थित दक्षिणकाली महिला बचत तथा ऋण सहकारी संस्था लि.कर्ब्स कार्यक्रममा आबद्ध भएको छ । कर्ब्स कार्यक्रम नेफ्स्कूनले सञ्चालन गरेको जोखिममा आधारित साकोस सुपरिवेक्षण कार्यक्रम हो । जिल्ला संघ साझेदारी कार्यक्रम अन्तर्गत काठमाडौं जिल्ला बचत संघ (कास्कून) र नेफ्स्कूनको संयुक्त कार्यक्रम मार्फत दक्षिणकाली महिला साकोस आज कर्ब्समा आबद्ध भएको हो । 

साकोसको कार्यालयमा आयोजित एक संक्षिप्त कार्यक्रमका बीच साकोसकी अध्यक्ष मिरा आचार्य श्रेष्ठ, नेफ्स्कूनको तर्फबाट बरिष्ठ सहायक मनोहर आचार्य र कास्कूनको तर्फबाट कार्यक्रम अधिकृत नवराज सुबेदीले सम्झौतापत्रमा हस्ताक्षर गर्नुभएको थियो । 

कार्यक्रममा साकोसकी उपाध्यक्ष ललिता लामिछाने घिमिरे, साकोसका सञ्चालक सदस्यहरु, कर्मचारीहरु र कास्कूनकी कर्मचारी सविना न्यौपाने उपस्थित हुनुहुन्थ्यो । 

दक्षिणकाली नगरपालिकाभर कार्यक्षेत्र रहेको समुदायमा आधारित दक्षिणकाली महिला  साकोसमा हाल ८०० सदस्य छन् भने कुल वासलात ५ करोड ५० लाख रहेको छ ।