कास्की । पोखराको सनसाईन बचत तथा ऋण सहकारी संस्था लि.प्रोबेसन कार्यक्रममा आबद्ध भएको छ । पूर्ण तथा व्यावसायिक साकोस विकास कार्यक्रम (प्रोबेसन) नेफ्स्कूनद्वारा सञ्चालित गुणस्तर सुनिश्चितताको कार्यक्रम हो । 

साकोसको सभाहलमा आज आयोजित सम्झौता कार्यक्रममा साकोसका अध्यक्ष  अग्नी प्रसाद कँडेल, उपाध्यक्ष नरेन्द्र मित्रकोटी, सचिव नवराज अधिकारी, सञ्चालक सदस्य र व्यवस्थापक रोशन पौडेल हुनुहुन्थ्यो भने नेफ्स्कूनका तर्फबाट अनुगमन अधिकृत सुर्यप्रसाद तिमल्सिना र बरिष्ठ सहायक दिप्ती आचार्य सहभागी हुनुहुन्थ्यो ।

सम्झौता कार्यक्रम पश्चात साकोसका अध्यक्ष अग्नी प्रसाद कँडेलले कर्ब्स कार्यक्रममा आबद्ध भएर गरिएका वित्तीय सुशासनका अभ्यासबाट प्रोबेसन कार्यक्रममा सहजता हुने र साकोसले अब छिट्टै प्रोबेसन ब्राण्ड प्राप्त गर्ने तयारीका साथ काम गर्ने बताउनुभयो । 

सनसाईन साकोस २ बर्ष अगाडिदेखि नेफ्स्कूनद्वारा सञ्चालित जोखिममा आधारित साकोस सुपरिवेक्षण कार्यक्रम (कर्ब्स) मा आबद्ध थियो । कास्की जिल्लाभर कार्यक्षेत्र रहेको समुदाय केन्द्रित साकोसमा हाल १ हजार ६ सय दुईजना सेयर सदस्य छन् भने कुल वासलात ३९ करोड रहेको छ ।