दोलखा । जोखिममा आधारित साकोस सुपरिवेक्षण कार्यक्रम (कर्ब्स) अन्तर्गत तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सोमबार सम्पन्न भएको छ । प्रगतिशील बचत तथा ऋण सहकारी संस्था लि. च्यामाको आयोजना तथा नेफ्स्कूनको प्राविधिक सहजीकरणमा सञ्चालित कार्यशालाको प्रमुख अतिथि नेफ्स्कूनका सञ्चालक सदस्य जिवसराज खड्का हुनुहुन्थ्यो । तामाकोशी क्लष्टरमा प्रगतिशिल साकोस, भविष्य निर्माण साकोस, सङ्खेश्वर साकोस, महिला साक्षरता साकोस, झुलेमिलन साकोस, जफे मिलन साकोस, जनश्रमिक साकोस, भिजन साकोस, पशुपति कल्याण साकोस को सहभागिता रहेको छ । कार्यशालाको सहजिकरण नेफ्स्कूनका कार्यक्रम अधिकृत पवन घिमिरेले गर्नुभएको थियो ।