काठमाडौंमा जारी चौथो साकोस शिखर गोष्ठी–२०७९ सोमबार सम्पन्न भएको छ । गोष्ठीले “दीगो एवम् एकीकृत सञ्जालको लागि नविनतम साझा प्रविधि सहितको १२ बुँदे जारी घोषणापत्रमा सामुहिक ऐक्यबद्धता जाहेर गरेको छ । पूर्व मन्त्री एव्म राष्ट्रिय सहकारी महासंघका पूर्व अध्यक्ष केशव प्रसाद बडालको प्रमुख आतिथ्यतामा गोष्ठीको समापन भएको थियो । 

नेफ्स्कूनकी उपाध्यक्ष शान्ति अधिकारीले बाचन गर्नुभएको १२ बुँदे घोषणापत्र साकोस अभियानकर्मी, सरकारी निकायका प्रतिनिधि, विभिन्न राजनीतिक दलका प्रतिनिधि एवम् सरोकारवालाहरुद्वारा ऐक्यबद्धता जाहेर भएको थियो ।

नेफ्स्कूनका अध्यक्ष परितोष पौड्यालको अध्यक्षतामा भएको गोष्ठीको समापन सत्र सञ्चालन नेफ्स्कूनका महासचिव दामोदर अधिकारीले गर्नुभएको थियो भने कोषाध्यक्ष दिपक पनेरुले धन्यवाद ज्ञापन गर्नुभएको थियो । कोषाध्यक्ष पनेरुले घोषणा पत्रमा उल्लेख भएका कुराहरुलाई व्यवहारमा कार्यान्वयन गर्न सम्पूर्ण सहकारीकर्मीलाई आव्हान गर्नुभएको थियो ।

आईतबारबाट सुरु भएको गोष्ठीमा देशभरका करिब ७ सय जना सहकारीकर्मीहरुको उपस्थिति रहेको थियो ।