नवलपरासी । सुस्ता गाउँपालिका –१, रुपौलियामा अवस्थित मा वनदेबी बचत तथा ऋण सहकारी संस्था लि.कर्ब्स कार्यक्रममा आबद्ध भएको छ । कर्ब्स कार्यक्रम नेफ्स्कूनले सञ्चालन गरेको जोखिममा आधारित साकोस सुपरिवेक्षण कार्यक्रम हो । 

शुक्रबार साकोसको कार्यालयमा आयोजित एक संक्षिप्त कार्यक्रमका बीच कर्ब्स कार्यक्रम सम्झौता सम्पन्न भएको हो । कार्यक्रममा साकोसका उपाध्यक्ष टप नारायण चौधरी, कोषाध्यक्ष दिप नारायण चौधरी, सञ्चालक शेष नारायण चौधरी, उपसमिति सदस्य केशव शर्मा मुडवरी, व्यवस्थापक बिमला चौधरी र नेफ्स्कूनको तर्फबाट कार्यक्रम अधिकृत मनोज खड्का र नेफ्स्कून भूमही फिल्ड कार्यालयका प्रमुख नेत्र प्रसाद सापकोटाको उपस्थितिमा सम्झौता सम्पन्न भएको थियो ।

सुस्ता १, २, ३ नं. वडा र बर्दघाट नगरपालिकाका १४, १५ र १६ वडामा कार्यक्षेत्र रहेको मा वनदेबी साकोसमा हाल ३ सय ७८ शेयर सदस्य छन् ।