बागलुङ । बागलुङ बचत तथा ऋण सहकारी संघ लि. को आयोजनामा सञ्चालित ऋण व्यवस्थापन तालिम बागलुङमा बुधबार सम्पन्न भएको छ । जेठ १७ र १८ दुई दिन सञ्चालित तालिममा बागलुङ र म्याग्दी जिल्लाका विभिन्न १६ बचत तथा ऋण सहकारी संस्थाका ऋण उपसमितिका संयोजक, सदस्यहरु र कर्मचारीहरु सहित २२ जनाको सहभागिता रहेको थियो । तालिमको सहजीकरण नेफ्स्कूनका तालिम अधिकृत उमेश कोइरालाले गर्नुभएको थियो । 

तालिमको समापन सत्रका अवसरमा बागलुङ जिल्ला बचत संघका अध्यक्ष एव् नेफ्स्कूनका सञ्चालक सदस्य चण्डी प्रसाद शर्मा पौडेलले बाग्लुङ्ग जिल्ला र छिमेकी जिल्ला म्याग्दीमा सञ्चालित सहकारीमा ऋण व्यवस्थापन गर्ने २२ जना दक्ष जनशक्ति तयार भएकोमा खुसी व्यक्त गर्नुभयो । उहाँले आगामी दिनमा पनि जिल्ला संघ मार्फत अन्य तालिमहरु आयोजना गर्ने जानकारी गराउदै तालिममा सिकेको कुरा व्यवहारमा पूर्ण सदुपयोग गर्न सहभागीहरुलाई अनुरोध गर्नुभयो । तालिम नेफ्स्कून जिल्ला संघ साझेदारी कार्यक्रम अन्र्तगत बागलुङ जिल्ला बचत संघको आयोजना भएको थियो ।