मोरङ । नेफ्स्कून जिल्ला संघ साझेदारी कार्यक्रम अन्तर्गत जिल्ला बचत संघ मोरङको आयोजनामा संघको तालिम हल बेलबारीमा सहकारीमा कर व्यवस्थापन सम्बन्धी एक दिवसीय तालिम मंगलबार सम्पन्न भएको छ । तालिममा मोरङ जिल्लाका साकोसहरुबाट व्यवस्थापक तथा लेखा हेर्ने कर्मचारीहरुको सहभागिता रहेको थियो । 

तालिम कार्यक्रम जिल्ला बचत संघ मोरङका अध्यक्ष सोमनाथ निरौलाको अध्यक्षतामा भएको थियो ।  

तालिममा गोग्राह साकोस, शिसौली साकोस, दिपज्योति नारी विकास साकोस, जनकल्याण साकोस, वीरेन्द्रनगर साकोस साकोस, नमुना साकोस, न्यू जनएकता साकोस, भृकुटी साकोस, सातमेडी साकोस, जागरुक साकोस, ईश्वर साकोस, सौगात साकोस, शनिश्चरे साकोस, शिरडी साकोस, नेवाः साकोस, दौंतरी बलिया साकोस, पञ्चमुखी साकोस, जागृति साकोस, जनमुखी साकोस, पुष्पज्योति साकोस, भुल्के साकोस, सलकपुर साकोस, जनप्रेमी साकोस, लालीगुराँस साकोस, एकता भलुवा साकोस, नवयुग साकोस र मिलिजुली साकोस गरी २७ बचत तथा ऋण संस्थाबाट कर्मचारीहरुको सहभागिता रहेको थियो । 

तालिमको सहजीकरण जिल्ला बचत संघ मोरङका कार्यक्रम अधिकृत रामकुमार दाहालले, व्यवस्थापक केदारनाथ दुलालले स्वागत मतव्य र कार्यक्रम सञ्चालन प्रेमप्रकाश कोइरालाले गर्नुभएको थियो ।

सहभागी कर्मचारीहरुले तालिम निकै व्यवहारिक र उपलब्धिमूलक रहेको बताउँदै संघको नियमित सम्पर्कमा रहेर आगामी तालिमहरुमा समेत सहभागी हुने प्रतिवद्धता व्यक्त गरेका थिए ।