सल्यान । कर्णाली प्रदेशको सल्यान–थारमारेमा सञ्चालित प्रगति बचत तथा ऋण सहकारी संस्था लि.नेफ्स्कूनको गुणस्तर सुनिश्चितता सम्बन्धी राष्ट्रिय कार्यक्रम प्रोबेसनमा आबद्ध भएको छ । यस सम्बन्धमा नेफ्स्कून र प्रगति साकोसबीच आज औपचारिक सम्झौता भएको हो ।
 
साकोसको कार्यालयमा आयोजित एक संक्षिप्त कार्यक्रममा बीच साकोसका अध्यक्ष प्रेम बहादुर केसी र नेफ्स्कूनको तर्फबाट दाङ फिल्ड कार्यालय इन्चार्ज विष्णु जोशीले उक्त सम्झौतामा हस्ताक्षर गर्नुभएको थियो । हस्ताक्षर कार्यक्रममा साकोसका सचिव पवित्र कुमार केसी, व्यवस्थापक कृष्ण बहादुर खत्री र नेफ्स्कूनका फिल्ड कार्यक्रम अधिकृत गणेश प्रसाद रेग्मी उपस्थित हुनुहुन्थ्यो । 

२ हजार ८८३ सदस्यहरु माझ वित्तीय पहुँच पुर्याउँदै आएको समुदायमा सञ्चालित प्रगति साकोसको करिब १८ करोड ४३ लाखको वासलात रहेको अध्यक्ष केसीले जानकारी गराउनुभयो । नेफ्स्कूनद्वारा सञ्चालित गुणस्तर सुनिश्चितताका  कार्यक्रमहरुमा  पछिल्लो समय साकोसहरुको आबद्धता बढ्दो छ ।