काठमाडौं । न्यूरोड प्रधान कार्यालय रहेको जेष्ट आइडियोलोजी बचत तथा ऋण सहकारी संस्था लि.ले आज रक्तदान कार्यक्रम आयोजना गरेको छ । नेपालमा रगत तथा रक्त पदार्थको अभाव केही हदसम्म भएपनि न्यून गर्न साकोसले रक्तदान कार्यक्रम आयोजना गरेको हो । संस्थाका अध्यक्ष राम प्रसाद आचार्यको सभापतित्व तथा कामनपा वडा  नं २२ का वडा अध्यक्ष चिनी काजी महर्जनको प्रमुख आतिथ्यमा नेफ्स्कून न्यूरोड फिल्ड कार्यालयका इन्चार्ज मनोज कार्कीसहित १ सय जना भन्दा बढी ब्यक्तिहरु उपस्थित रहेको कार्यक्रममा ५२ पाउन्ड रक्त संकलन गरी बृहत रक्तदान कार्यक्रम सम्पन्न गरिएको थियो । जेष्ट आइडियोलोजी साकोसले आज रक्तदान गर्ने सबै रक्तदाताहरुलाई सम्मानसहित हार्दिक धन्यवाद व्यक्त गरेको छ । संस्थाले सहकारी सामाजिक उत्तरदायित्व अन्तर्गत संकटा मन्दिर परिसर न्यूरोडमा बृहत् रक्तदान कार्यक्रम आयोजना गरेको जनाएको छ ।