काठमाडौं । सहकारी अभियानको शीर्ष निकाय राष्ट्रिय सहकारी महासंघले सहकारीको सन्दर्भ  ब्याजद पुनरावलोकनको माग सहित नियामक निकाय सहकारी विभागलाई ध्यानाकर्षण गराएको छ ।

महासंघका अध्यक्ष मिनराज कडेलले मंगलबार विज्ञप्ति प्रकाशित गरी समय सन्दर्भलाई ध्यानमा राखेर बजारमा ब्याजदर बढ्दा बढ्ने र  ब्याजद घट्दा घट्ने विषयमा सहकारी अभियान संबेदनशील रहेको भन्दै यतिबेला बजारमा व्याजदर बढेको अवस्था रहेकोले वित्तीय क्षेत्रमा १७ प्रतिशत योगदान गरेको सहकारीको सम्पति संरक्षणको लागि ऋणमा अधिकतम १७ प्रतिशतसम्म रहने गरी बचत र ऋणको  ब्याजद बृद्धि हुने गरी सहकारी सन्दर्भ  ब्याजदर ३ दिन भित्र पुनरावलोकन गर्न अनुरोध गर्नु भएको छ । 

आज १ बजे सहकारी विभागमा सहकारीको सन्दर्भ ब्याजदर (रेफेरेन्स इन्टेरेस्ट रेट) सुझाव उप समितिको बैठक पनि बस्दैछ । सहकारी विभागका उप–रजिस्ट्रार संयोजक रहेको उप–समितिमा अभियानको तर्फबाट राष्ट्रिय सहकारी महासंघका महाप्रबन्धक, नेफ्स्कूनका प्रमुख कार्यकारी अधिकृत र राष्ट्रिय सहकारी बैंकका प्रमुख कार्यकारी अधिकृत रहनुभएको छ भने राष्ट्रिय सहकारी विकास बोर्ड र नेपाल राष्ट्र बैंकको प्रतिनिधिहरु रहेका छन् ।  उप–समितिको बैठकमा सहकारी अभियानको तर्फबाट प्रस्तुत गरिने विषय उपर छलफल गरिने छ ।

महासंघले मंगलबार जारी गरेको प्रेस विज्ञप्ति