ललितपुर । कर्ब्स ललितपुर पहिलो समूहको नवौ कार्यकुशलता तथा सिकाइ ब्यवस्थापन कार्यशाला शिक्षक हित साकोसको आयोजनामा आज जावलाखेलमा सम्पन्न  भएको छ । नेफ्स्कनका महासचिव दामोदर अधिकारी प्रमुख अतिथि तथा कोषाध्यक्ष दिपक पनेरु बिशेष अतिथि रहनुभएको कार्यक्रमको सभापतित्व संस्थाका अध्यक्ष शुक्र थापाले गर्नुभएको थियो । प्रमुख अतिथि नेफ्स्कून महासचिव अधिकारीले कार्यक्रमको उद्घाटन गर्दै ललितपुरको कर्ब्स पहिलो समुहका संस्थाहरुले महामारीबिच पनि संस्थाका सेवा र कार्यक्रमहरुलाई निरन्तरता दिएकोमा प्रसन्नता व्यक्त गर्नुभयो । उहाँले साकोसहरुको जोखिम सुपरिवेक्षण गर्ने कर्ब्स कार्यक्रमका सुचक पूरा गर्न नीति, विधि र प्रबिधिमा काम गर्नुपर्ने तथा संस्थाको गुणस्तरको मापन सदस्यको संतुष्टीमा हुने बताउनु भयो । नेफ्स्कून महासचिव अधिकारीले साकोसहरु PEARLS, Planning and Policy मा चल्नुपर्ने र तथा 3T ( Transparency, Trust and Team Work) कायम गरेर संस्था सन्चालन गरे मात्र दिगो तथा सुरक्षित हुने र यस्को लागि नेफ्स्कूनले टूल्सहरु उपलब्ध गराएको बताउनुभयो ।

विशेष अतिथि नेफ्स्कूनका कोषाध्यक्ष दिपक पनेरुले संस्था को जोखिम सुपरिबेक्षण गर्ने कर्ब्स कार्यक्रमले स्वनियमनमा बस्न, स्वमुल्यान्कन गर्न सहयोग पुर्याउने बताउदै कार्यक्रममा सक्रिय सहभागिताको लागि सबैलाई अनुरोध गर्नुभयो । नेफ्स्कून साकोसहरुकै छाता संगठन भएकाले जिज्ञासा, सुझाब, सल्लाह अथवा सुधारका विषयमा पनि खुलेर धारणा राख्न समेत उहाँले अनुरोध गर्नुभयो । कार्यक्रममा स्वागत मन्तव्य उपाध्यक्ष गिरि प्रसाद तिमल्सिनाले राख्नुभएको थियो । अध्यक्ष शुक्र थापाले कार्यक्रम मा आवद्ध भएपछि संस्था ले वित्तीय, नितिगत तथा सुशासनका क्षेत्रमा उल्लेख्य सुधार ल्याएको बताउदै आगामी बर्ष सम्म न्यून जोखिमा पुर्याउने प्रतिबद्धता व्यक्त गर्नुभयो । कार्यक्रममा नेफ्स्कूनकी कार्यक्रम अधिकृत सोबिता मैनालीको पनि सहभागिता थियो । कार्यक्रममा ब्र्म्ह्पुरी साकोस, नवदुर्गा साकोस, अस्ट्मातृका साकोस, दिपावती साकोस, समता साकोस, पुष्पाञ्जली साकोस, जागरुक महिला साकोस, शाक्यपुच र शिक्षक हित साकोसको सहभागिता थियो । दशौ कार्यशाला ब्रह्मपुरी साकोसको आयोजनामा जेठ १३ गते गर्ने निर्णय समेत आज गरिएको थियो ।