भक्तपुर । सामूहिक बचत तथा ऋण  सहकारी संस्था लि. भक्तपुर बोलाछेँका सञ्चालकहरुको क्षमता अभिवृद्धि तालिम (CUDCC) तथा सहकारी अध्ययन अवलोकन सम्पन्न भएको छ । संस्थाको वार्षिक नीति तथा कार्यक्रम तालिका अनुसार पोखरामा पुस २५ देखि २८ गतेसम्म साञ्चालन भएको चार दिने सञ्चालकहरुको क्षमता अभिबृद्धि तालिम नेफ्स्कूनको प्राविधिक सहजिकरणमा सम्पन्न भएको हो । 

तालिम उद्घाटन सत्रको अध्यक्षता संस्थाका सचिव कृष्णहरी सैंजुले गर्नुभएको थियो भने तालिम समापन समारोह कार्यक्रमका प्रमुख अतिथि जिल्ला बचत तथा ऋण सहकारी संघ लि. कास्कीका अध्यक्ष भेषराज बराल हुनुहुन्थ्यो ।

तालिमका कक्षाहरुमा वित्तीय बजारमा साकोसको छवि, सञ्चालक समितिको काम, कर्तव्य र अधिकार, सञ्चालक समिति र व्यवस्थापनबीचको सम्बन्ध, साकोसले पल्र्सको विश्लेषण सहितको  वित्तीय व्यवस्थापन, क्षमतामा आधारित ऋण लगानी तथा ऋण असुली प्रक्रियामा सञ्चालक समिति र व्यवस्थापनको भूमिका, भाखा नाघेको ऋण व्यवस्थापन लगायतका विषयहरुमा सहजीकरण गरिएको थियो ।  तालिम सहजीकरण नेफ्स्कूनका बरिष्ठ तालिम अधिकृत बल्लभ तिमल्सिना र तालिम अधिकृत उमेश कोईरालाले गर्नुभएको थियो ।

तालिममा संस्थाका सञ्चालक समिति, लेखा सुपरीवेक्षण समिति, उपसमितिका पदाधिकारीहरु र कर्मचारी गरी २१ जनाको सहभागिता रहेको थियो ।

सोही अवसरमा तालिमका सहभागीहरुले सहकारी अध्ययन अवलोकन अन्र्तगत पोखरा रोयल साकोस, पोखरा र जनकल्याण साकोस, धाडिङ्ग को अध्ययन अवलोकन गरेका थिए । अवलोकनका क्रममा एकअर्का साकोस बीचको सिकाइ आदानप्रदान गरिएको थियो भने सकोसहरुले प्रयोगमा ल्याएका नविन प्रविधिहरुको बारेमा जानकारी लिइएको सामूहिक साकोसका व्यवस्थापक कविन्द्र धौवन्जारले जानकारी गराउनुभयो ।