काठमाडौं । नेपाल सहकारी पत्रकार समाज (सिजेएन) को अध्यक्षमा काजी श्रेष्ठ निर्वाचित हुनुभएको छ । सिजेएनको आज सम्पन्न ११ औं वार्षिक साधारण सभाबाट आगामी २ वर्षे कार्यकालका लागि सहकारी खबर डटकमका सम्पादक श्रेष्ठ निर्विरोध अध्यक्ष निर्वाचित हुनुभएको हो । उपाध्यक्षमा तुलसी सुवेदी, सचिवमा अर्जुन खतिवडा, कोषाध्यक्षमा प्रयास श्रेष्ठ, सहसचिवमा भेषराज बेल्वासे तथा सदस्यहरुमा सन्तोष रोकाया र सुधा देवकोटा पनि निर्विरोध निर्वाचित हुनुभएको छ । नयाँ कार्यसमिति आजै शपथग्रहण गरेको छ । सिजेएन सहकारी क्षेत्रमा कलम चलाउने ७० जना भन्दा बढी पत्रकारहरुको छाता संगठन हो ।